‘గరివిడి లక్ష్మి’గా ఆనంది

ఇంటెన్స్‌ స్క్రీన్‌ ప్రెజెన్స్‌తో ఆకట్టుకునే ఆనంది తన రాబోయే చిత్రం ‘గరివిడి లక్ష్మి’లో అద్భుతమైన పాత్రలో కనిపించనుంది. పీపుల్‌ మీడియా ఫ్యాక్టరీ బ్యానర్‌ పై టిజి విశ్వ ప్రసాద్‌, టిజి కతి ప్రసాద్‌ నిర్మించిన ఈ చిత్రం ఒక డీప్‌ కల్చర్‌ని ప్రజెంట్‌ చేయబోతోంది.
అర్థవంతమైన సినిమాలని రూపొందించడంలో పేరుపొందిన ఈ నిర్మాణ సంస్థ ఇటీవలే ఉత్తరాంధ్ర సంప్రదాయాలను అందంగా చూపిస్తూ జానపదం ‘నల జిలకర మొగ్గ’తో అందరి మనసులు గెలుచుకుంది.
ఇప్పుడు మేకర్స్‌ ఫస్ట్‌ లుక్‌ పోస్టర్‌ను రిలీజ్‌ చేశారు. ఆనందిని లెజెండరీ ‘గరివిడి లక్ష్మి’ పాత్రలో పరిచయం చేశారు. హాఫ్‌ శారీ ధరించి, రిక్షాలో కూర్చున్న ఆనంది, ఒడిలో హార్మోనియంతో చిరునవ్వుతో కనిపించడం ఆకట్టుకుంది.
గరివిడి లక్ష్మి ఒక గొప్ప బుర్రకథ కళాకారిణి. 1990లలో ఉత్తరాంధ్ర ఫోక్‌ సాంప్రదాయాల్ని బతికించి, ప్రజల్లోకి తీసుకెళ్లినందుకు ఆమెకి ప్రత్యేకమైన గుర్తింపు వచ్చింది. ఆమె పేరే ఇప్పుడు ఆ ప్రాంత చరిత్రలో నిలిచిపోయింది.
ఈ సినిమా గ్రామీణ జీవనానికి, సంగీత వారసత్వానికి అద్భుతమైన ట్రిబ్యూట్‌లా ఉంటుంది. ఇదొక ఎమోషనల్‌ జర్నీ. అన్ని వర్గాలను అలరించేలా ఈ సినిమా ఉంటుంది’ అని మేకర్స్‌ తెలిపారు.
నరేష్‌, రాసి, ఆనంది, రాగ్‌ మయూర్‌, శరణ్య ప్రదీప్‌, అంకిత్‌ కొయ్య, మీసాల లక్ష్మణ్‌, కంచర పాలెం కిషోర్‌, శరణ్య ప్రదీప్‌, కుశాలిని తది తరులు నటిస్తున్న ఈ చిత్రానికి దర్శకత్వం: గౌరీ నాయుడు జమ్ము, సంగీతం: చరణ్‌ అర్జున్‌.