సమాజ హితం కోసమే పోలీసు వ్యవస్థ..

-నో బ్యాగ్ డే సందర్భంగా పాపన్నపేట ఎస్సై శ్రీనివాస్ గౌడ్..
నవతెలంగాణ – పాపన్నపేట
పోలీసు వ్యవస్థ అనేది సమాజం హితం కోసం పనిచేస్తుందని పాపన్నపేట ఎస్సై సారా శ్రీనివాస్ గౌడ్ పేర్కొన్నారు. శనివారం నో బ్యాగ్ డే పురస్కరించుకొని పాపన్నపేట ఉన్నత పాఠశాల విద్యార్థులు స్థానిక పోలీస్ స్టేషన్ సందర్శించారు. ఈ సందర్భంగా విద్యార్థులకు ఎస్ఐతో పాటు పోలీస్ సిబ్బంది సాదరంగా ఆహ్వానించారు. అనంతరం ఎస్సై శ్రీనివాస్ గౌడ్ పోలీస్ స్టేషన్ కు సంబంధించిన అన్ని విభాగాల గురించి, వారి విధుల గురించి వివరించారు. పిర్యాదుదారులు వస్తే ఎలా వ్యవహరిస్తారు , ఎస్సై విధులు ఎన్ని రకాలుగా ఉంటాయి ,పోలీస్ వ్యవస్థ సమాజం కోసం ఎలా పని చేస్తుంది.. తదితర విషయాల గురించే కాకుండా సైబర్ నేరాల నుండి ఎలా రక్షించు కోవాలి, రోడ్డు ప్రమాదాల పాడిన పడకుండా ఏలాంటి జాగ్రత్తలు పాటించాలి తదితర విషయాలపై విద్యార్థులకు క్షుణ్ణంగా అర్థమయ్యే రీతిలో వివరించారు. ఈ కార్యక్రమంలో ఇన్చార్జి హెచ్ఎం వెంకటేశం ఉపాధ్యాయులు , అంజా గౌడ్ , ప్రవీణ్,  భట్టు నాగరాజు ,నింగప్ప ,మోహన్ రావు ,రమేష్ , శ్రీహరి , శ్రవణ్ , పోలీస్ సిబ్బంది పాల్గొన్నారు.