పవర్‌ఫుల్‌ కథతో ‘మిరాయ్‌’

హీరో తేజ సజ్జా మోస్ట్‌ ఎవైటెడ్‌ పాన్‌-ఇండియా సూపర్‌ హీరో విజువల్‌ వండర్‌ ‘మిరాయ్‌’. ఇందులో సూపర్‌ యోధ పాత్రలో ఆఅయన అలరించ బోతున్నారు. ఈ చిత్రానికి కార్తీక్‌ ఘట్టమనేని దర్శకత్వం వహించారు. పీపుల్‌ మీడియా ఫ్యాక్టరీ బ్యానర్‌పై టిజి విశ్వ ప్రసాద్‌, కతి ప్రసాద్‌ నిర్మించారు. ఈ చిత్ర ట్రైలర్‌ను ఈనెల 28న లాంచ్‌ చేయనున్నారు.
ఈ సందర్భంగా విడుదల చేసిన హీరో, విలన్‌ పవర్‌ఫుల్‌గా కనిపించిన ట్రైలర్‌ పోస్టర్‌ అదిరిపోయింది. తేజ సూపర్‌ యోధాగా ఎనర్జీతో మెరుస్తున్న మ్యాజికల్‌ స్టిక్‌తో కనిపించగా, మనోజ్‌ ఫెరోషియస్‌ బ్లాక్‌ స్వోర్డ్‌గా, భారీ ఖడ్గాన్ని పట్టుకుని ఎదురు నిలబడ్డాడు. ఈ పోస్టర్‌తో సినిమా మీద అంచనాలు నెక్స్ట్‌ లెవల్‌ కి తీసుకెళ్ళాయి. ఈ చిత్రంలో తేజ సజ్జ సరసన రితికా నాయక్‌ కథానాయికగా నటిస్తుండగా, శ్రీయా శరణ్‌, జయరామ్‌, జగపతిబాబు కీలక పాత్రల్లో కనిపించనున్నారు.
దర్శకుడు కార్తీక్‌ ఘట్టమనేని మిరారు దర్శకత్వం వహించడమే కాకుండా, సినిమాటోగ్రఫీ అందిస్తున్నారు. అలాగే స్క్రీన్‌ప్లేను కార్తీక్‌ స్వయంగా రూపొందించారు. ట్రైలర్‌ పోస్టర్‌ ద్వారా మేకర్స్‌ సినిమాను సెప్టెంబర్‌ 12న ఎనిమిది భాషల్లో 2డి, 3డి ఫార్మాట్లలో విడుదల చేయనున్నట్లు అనౌన్స్‌ చేశారు. ‘హనుమాన్‌’ చిత్రంతో పాన్‌ ఇండియా స్థాయికి ఎదిగిన మా హీరో తేజ సజ్జా ఈ చిత్రంలో పోషించిన పాత్రతో మరోమారు అందర్నీ సర్‌ప్రైజ్‌ చేయబోతున్నారు. ఈ సినిమా తప్పకుండా అన్ని వర్గాల ప్రేక్షకుల్ని అలరిస్తుందనే నమ్మకంతో మేకర్స్‌ ఉన్నారు’ అని చిత్ర యూనిట్‌ తెలిపింది.
ఈ చిత్రానికి దర్శకత్వం: కార్తీక్‌ ఘట్టమనేని, నిర్మాతలు: టిజి విశ్వ ప్రసాద్‌, కతి ప్రసాద్‌, ఎగ్జిక్యూటివ్‌ ప్రొడ్యూసర్‌: సుజిత్‌ కుమార్‌ కొల్లి, సంగీతం: గౌర హరి, ఆర్ట్‌ డైరెక్టర్‌: శ్రీ నాగేంద్ర తంగాల, రైటర్‌: మణిబాబు కరణం.