రోడ్డు ప్రమాదంలో బీఆర్‌ఎస్‌ నేత పీటీ స్వామి మృతి

నవతెలంగాణ - హైదరాబాద్ : ప్రముఖ విద్యావేత్త, బీఆర్‌ఎస్‌ సీనియర్‌ నాయకుడు పీటీ స్వామి శనివారం రోడ్డు ప్రమాదంలో మృతి చెందారు. పెద్దపల్లి నుంచి గోదావరిఖనికి వెళ్తుండగా బసంత్‌నగర్‌ వద్ద ఆయన ప్రయాణిస్తున్న కారు బోల్తా పడింది. ఈ ప్రమాదంలో తీవ్రంగా గాయపడిన ఆయనకు గుండెపోటు రావడంతో మృతి చెందినట్లు సమాచారం. పీటీ స్వామి మరణంపై బీఆర్‌ఎస్‌ అధినేత కేసీఆర్‌ సంతాపం వ్యక్తం చేశారు. టీఆర్‌ఎస్‌ ఆవిర్భావం నుంచి ఆయనతో కలిసి పనిచేసిన అనుబంధాన్ని కేసీఆర్‌ గుర్తు చేసుకున్నారు.