నేటి నుంచి కొడంగల్‌లో సీఎం రేవంత్‌ రెడ్డి పర్యటన

నవతెలంగాణ - హైదరాబాద్‌: ముఖ్యమంత్రి రేవంత్‌ రెడ్డి నేటి నుంచి మూడు రోజుల పాటు తన సొంత నియోజకవర్గమైన కొడంగల్‌లో పర్యటించనున్నారు. ఈ సందర్భంగా శనివారం మధ్యాహ్నం 2.30 గంటలకు హకీంపేటలో మెగా రైతు మేళా, ఇండస్ట్రియల్‌ ఎక్స్‌పోను ప్రారంభించనున్నారు. అనంతరం రైతులు, వ్యవసాయ శాస్త్రవేత్తలతో సమావేశమవుతారు. ఈ పర్యటనలో భాగంగా రేపు, ఎల్లుండి సుమారు రూ.9 వేల కోట్ల విలువైన వివిధ అభివృద్ధి పనులకు శంకుస్థాపనలు, ప్రారంభోత్సవాలు చేయనున్నారు.