ఆర్టీసీ-మెట్రో ఉమ్మడి పాస్‌ ధర భారీగా తగ్గింపు

నవతెలంగాణ - హైదరాబాద్‌: హైదరాబాద్‌ ప్రయాణికులకు ప్రభుత్వం దీపావళి కానుక ప్రకటించింది. ఆర్టీసీ-మెట్రో ఉమ్మడి పాస్‌ ధరను నెలకు రూ.8,500 నుంచి రూ.4,000కు తగ్గించింది. సీఎం ఆదేశాల మేరకు ఈ నిర్ణయం తీసుకున్నట్లు రవాణా శాఖ మంత్రి పొన్నం ప్రభాకర్‌ వెల్లడించారు. తగ్గించిన ధరలు ఈ నెల 8 నుంచి అమల్లోకి వస్తాయని తెలిపారు. ప్రయాణికులపై రవాణా ఖర్చుల భారం తగ్గించడమే లక్ష్యమని మంత్రి పేర్కొన్నారు.