దేశవ్యాప్త సార్వత్రిక సమ్మెను జయప్రదం చేయండి

4 లేబర్ కోడులను రద్దు చేయాలి
మధ్యాహ్న భోజన కార్మికులకు కనీస వేతనం రూ.26,000 అమలు చేయాలి
సీఐటీయూ కార్మిక సంఘం నాయకులు సురేష్ గొండ డిమాండ్
నవతెలంగాణ – మద్నూర్ : ఈనెల 9న దేశవ్యాప్తంగా చేపట్టే సార్వత్రిక సమ్మెలో మద్నూర్ మండల మధ్యాహ్న భోజన కార్మికులు పాల్గొంటారని బుధవారం సీఐటీయూ నాయకులు సురేష్ గొండ తెలిపారు. ఆయన నాయకత్వంలో ఎంఈఓ కు సమ్మె నోటీసు అందజేశారు. ఈ సందర్భంగా ఆయన మాట్లాడుతూ.. కార్మికుల్ని బానిసత్వంలోకి నెట్టే 4 లేబర్ కోర్టులను వెంటనే రద్దు చేయాలని అన్నారు. మధ్యాహ్న భోజన కార్మికులకు కనీస వేతనం రూ.26,000 నిర్ణయించి అమలు చేయాలని ఈ సందర్భంగా డిమాండ్ చేశారు. ఈ కార్యక్రమంలో మధ్యాహ్న భోజన కార్మికుల సంఘం మండల అధ్యక్షురాలు శాంతాబాయి, ప్రధాన కార్యదర్శి సరస్వతి, మండల కమిటీ నాయకులు ఫర్జానా బేగం, శారద, గంగామణి ,రాణి, జయ శ్రీ, నర్సు బాయి, సావిత్ర తదితరులు పాల్గొన్నారు.