సర్పంచ్ పదవికి పెరిగిన అభ్యర్థుల సంఖ్య

నవతెలంగాణ – మద్నూర్
మద్నూర్, డోంగ్లి మండలాల పరిధిలో స్థానిక సంస్థల ఎన్నికలు థర్డ్ ఫేస్ లో జరగనున్నాయి. ఈ నేపథ్యంలో పార్టీల నుంచి సర్పంచ్ పదవి కోసం బరిలో నిలిచేందుకు అభ్యర్థుల సంఖ్య గణనీయంగా పెరుగుతోంది. బీఆర్ఎస్ నుంచి కొందరు, కాంగ్రెస్ నుంచి కొందరు సర్పంచ్ పదవి కోసం ఉవ్విళ్ళూరుతున్నారు. కానీ గ్రామపంచాయతీ పరిధిలో ఒక పార్టీ నుంచి ఒక్కరికే ఆ అవకాశం ఉంటుంది. దీంతో అభ్యర్థులు తీవ్రంగా ఆవేదన చెందుతున్నారు. చాలా కాలం నుంచి పార్టీకి విధేయులుగా పనిచేస్తున్నాం.. లోకల్ బాడీ ఎన్నికల్లో నాకే ఆ అవకాశం ఇవ్వాలని పట్టుబడుతున్నారు. ఈ పరిస్థితి ఒక్క బీఆర్ఎస్ కే పరిమితం కాలేదు. కాంగ్రెస్ లోనూ ఇదే తంతు జరుగుతోంది. దీంతో చేసేదేమీ లేక పార్టీ అధిష్టానం నుంచి కొందరు పెద్దలు కలగజేసుకుని పోటీలో నిలిచేందుకు సిద్దంగా ఉన్న అభ్యర్థులను బుజ్జగించే పనిలో నిమగ్నమైనారు. అయితే అంతిమంగా ఏ వ్యక్తి మీద జనాలకు మంచి అభిప్రాయంతో ఉన్నారో ఆ వ్యక్తినే మనం బరిలో నిలపాలని నిర్ణయానికి వచ్చినట్ట సమాచారం. గ్రామాలకు ప్రథమ పౌరులు సర్పంచే కాబట్టి ఈ ఎన్నికలు ఇరుపార్టీలు ప్రతిష్టాత్మకంగా తీసుకుంటున్నాయి. డిసెంబర్ 3 నుండి నామినేషన్ల పర్వం ప్రారంభం కానుంది.