దుర్గా ఊరేగింపులో ఘోర ప్రమాదం.. ముగ్గురు మృతి

నవతెలంగాణ - హైదరాబాద్ : కర్ణాటకలోని బెళగావి జిల్లాలో దసరా నవరాత్రుల సందర్భంగా విషాదం చోటుచేసుకుంది. దుర్గా దేవి విగ్రహాన్ని ఊరేగింపుగా తీసుకెళ్తున్న భక్తులపైకి ఆదివారం తెల్లవారుజామున లారీ దూసుకెళ్లింది. హుక్కేరి తాలూకాలోని హత్తరగి టోల్‌ ప్లాజా సమీపంలో జరిగిన ఈ ప్రమాదంలో ముగ్గురు భక్తులు ప్రకాష్‌, మహేష్‌, దనేశ్వరి మృతి చెందారు. మరో పది మంది తీవ్రంగా గాయపడగా, వారిలో నలుగురి పరిస్థితి విషమంగా ఉంది. క్షతగాత్రులను ఆసుపత్రులకు తరలించి చికిత్స అందిస్తున్నారు. పోలీసులు కేసు నమోదు చేసి దర్యాప్తు చేపట్టారు.