ద్రౌపది దేవీగా..

నేతాజి ప్రొడక్షన్స్‌, జిఎం ఫిల్మ్‌ కార్పోరేషన్‌ బ్యానర్ల మీద రిచర్డ్‌ రిషి హీరోగా సోల చక్రవర్తి నిర్మిస్తున్న చిత్రం ‘ద్రౌపది 2’. ఈ మూవీకి మోహన్‌. జి దర్శకుడు. తాజాగా ఈ సినిమాకు సంబంధించిన అప్డేట్‌ ఇచ్చారు. హీరోయిన్‌ రక్షణ ఇందు చూడన్‌ పోషిస్తున్న ద్రౌపది దేవీ పాత్రకు సంబంధించిన ఫస్ట్‌ లుక్‌ పోస్టర్‌ను రిలీజ్‌ చేశారు.
ద్రౌపది దేవిగా రక్షణ ఎంతో గాంభీర్యంగా, ఎంతో హుందాగా కనిపిస్తున్నారు. ఆమె కట్టూబొట్టూ, ఆహార్యం ఇలా అన్నీ కూడా మెప్పించేలా ఉన్నాయి. వెనకాల బ్యాక్‌గ్రౌండ్‌లో ఉన్న సెట్‌వర్క్‌ని చూస్తుంటే సినిమా స్కేల్‌ ఏంటో అర్థం అవుతోంది. భారీ బడ్జెట్‌తో ఎక్కడా కాంప్రమైజ్‌ కాకుండా నిర్మాత గొప్పగా ఈ మూవీని నిర్మిస్తున్నారని తెలుస్తోంది. ప్రస్తుతం ఈ మూవీ షూటింగ్‌ శరవేగంగా జరుగుతోంది. త్వరలోనే అన్ని కార్యక్రమాల్ని పూర్తి చేసుకుని సినిమా రిలీజ్‌ డేట్‌ను ప్రకటించనున్నారు. రిచర్డ్‌ రిషి, రక్షణ ఇందుచూడన్‌, నట్టి నటరాజ్‌, వై.జి. మహేంద్రన్‌, నాడోడిగల్‌ బరణి, శరవణ సుబ్బయ్య, వేల్‌ రామమూర్తి, సిరాజ్‌ జానీ, దినేష్‌ లాంబా, గణేష్‌ గౌరంగ్‌, దివి, దేవయాని శర్మ, అరుణోదయన్‌ తదితరులు నటిస్తున్న ఈచిత్రానికి నిర్మాత: చోళ చక్రవర్తి, దర్శకుడు: మోహన్‌.జి, సంగీతం: గిబ్రాన్‌ వైబోధ, మాటలు: పద్మ చంద్రశేఖర్‌, మోహన్‌ జి , సినిమాటోగ్రఫీ: ఫిలిప్‌ ఆర్‌. సుందర్‌, కొరియోగ్రఫీ: థానికా టోనీ, స్టంట్‌ కోఆర్డినేషన్‌: యాక్షన్‌ సంతోష్‌, ఎడిటింగ్‌: దేవరాజ్‌, ఆర్ట్‌ డైరెక్షన్‌: కమల్నాథన్‌, డైలాగ్స్‌ : సామ్రాట్‌.