జీ స్టూడియోస్ సమర్పణలో పింక్ ఎలిఫెంట్ పిక్చర్స్ బ్యానర్పై ఉమేష్ కుమార్ బన్సాల్తో కలిసి నిహారిక కొణిదెల నిర్మించిన చిత్రం ‘రాకాస’. ఈ మూవీకి మానస శర్మ దర్శకత్వం వహించారు. ఈ సినిమాలో సంగీత్ శోభన్, నయన్ సారిక జంటగా నటించారు. ఈ చిత్రాన్ని ఈనెల 3న రిలీజ్ చేశారు. సినిమా సూపర్ హిట్ టాక్తో దూసుకుపోతోంది. ఈ నేపథ్యంలో సమ్మర్ ఫన్టాస్టిక్ బ్లాక్బస్టర్ సక్సెస్ మీట్ను నిర్వహించారు. ఈ బ్లాక్బస్టర్ ఈవెంట్కి ముఖ్య అతిథిగా విచ్చేసిన దర్శకుడు అనిల్ రావిపూడి మాట్లాడుతూ,’ఈ చిత్రాన్ని ఇంకా చూడని వాళ్లు వెంటనే చూడండి.
నిహారిక చాలా ప్యాషనేట్ ప్రొడ్యూసర్. ఓ మూవీని ఆడియెన్స్కి ఎంత వరకు రీచ్ చేయాలో, ఎలా ప్రమోషన్స్ చేయాలో అన్నీ చేశారు. ఐపీఎల్ సీజన్లోనూ ఈ సినిమా కోసం ఆడియెన్స్ వస్తుండటం గొప్ప విషయం. కామెడీ ఉంటే జనాలు కచ్చితంగా థియేటర్కు వచ్చి సినిమాని చూస్తారు. ఇందులో చాలా ఎపిసోడ్స్ చూశాను. అవి చూస్తేనే సంగీత్, గెటప్ శ్రీను, నయన్, వెన్నెల కిషోర్ కామెడీ చూసి పగలబడి నవ్వేశాను. అనుదీప్ బీజీఎం, పాటలు బాగున్నాయి. ఓ అమ్మాయి (మానస శర్మ) డైరెక్టర్గా వచ్చి ఇంకో అమ్మాయి (నిహారిక) నిర్మాతగా నిలబడి.. బ్లాక్ బస్టర్ కొట్టారంటే హ్యాట్సాఫ్. సంగీత్ శోభన్ కామెడీ టైమింగ్ నాకు చాలా ఇష్టం’ అని తెలిపారు.
‘మా చిత్రాన్ని థియేటర్లో చూసి సక్సెస్ చేసిన ఆడియెన్స్కి థ్యాంక్స్. ఈ విజయంలో వెన్నెల కిషోర్ పాత్ర ఎక్కువగా ఉంటుంది. ప్రస్తుతం ఉన్న జనరేషన్కి కామెడీ అంటే అనిల్ రావిపూడి గుర్తుకు వస్తారు. ఆయన సంక్రాంతికి సక్సెస్ కొట్టారు. ఇప్పుడు మేం సమ్మర్లో ఆ సక్సెస్ని కంటిన్యూ చేశామని అనుకుంటున్నాం. క్లీన్ కామెడీ చిత్రంగా ఫ్యామిలీ అంతా కలిసి చూడదగ్గ చిత్రంగా
‘రాకాస’ నిలిచింది. ఈ విజయం ప్రేక్షకులదే’. -నిర్మాత నిహారిక కొణిదెల
