థ్రిల్‌ చేసే యాక్షన్‌ ఎంటర్‌టైనర్‌

ప్రేక్షకులకు సరికొత్త థ్రిల్‌ అందించేందుకు ‘మిషన్‌: ఇంపాసిబుల్‌ – ది ఫైనల్‌ రికనింగ్‌’ అనుకున్న తేదీ కంటే ముందే విడుదల కానుంది. పారామౌంట్‌ పిక్చర్స్‌ ఇండియా ఈ చిత్రాన్ని మే 17న అంటే షెడ్యూల్‌ కంటే 6 రోజుల ముందుగానే (మే 23) థియేటర్లలోకి రానుంది. ఈ ప్రకటనతో ఐకానిక్‌ ఫ్రాంచైజీ అభిమానులు ఇప్పుడు ఈథన్‌ హంట్‌ తాలూకా చివరి మిషన్‌ను పెద్ద స్క్రీన్‌పై చూడటానికి మరింత సమయం వేచి ఉండాల్సిన అవసరం లేదు. ఫ్రాంచైజ్‌లోని ఒక చివరి మిషన్‌, ఎపిక్‌ స్కేల్‌, భావోద్వేగ పందాలు, ఎడ్జ్‌-ఆఫ్‌-యువర్‌-సీట్‌ థ్రిల్స్‌తో నిండి ఉంటుంది. ఇలాంటి అనుభూతిని ‘మిషన్‌: ఇంపాజిబుల్‌’ సిరీస్‌ మాత్రమే అందించగలదు. ఇది నిజంగా అభిమానులు ఎదురుచూస్తున్న వీడ్కోలు అని మేకర్స్‌ తెలిపారు. పారామౌంట్‌ పిక్చర్స్‌, స్కైడాన్స్‌ టామ్‌ క్రూజ్‌ ప్రొడక్షన్‌లో క్రిస్టోఫర్‌ మెక్‌క్వారీ దర్శకత్వం వహించిన ఈ యాక్షన్‌ ఎంటర్‌టైనర్‌లో టెలీ అట్వెల్‌, వింగ్‌ రేమ్స్‌, సైమన్‌ పెగ్‌, ఎసై మోరల్స్‌, పోమ్‌ క్లెమెంటిఫ్‌, హెన్రీ క్జెర్నీ, ఏంజెలా బాసెట్‌, హౌల్ట్‌ మెక్‌కాలనీ, జానెట్‌ మెక్‌టీర్‌, నిక్‌ ఆఫర్‌మాన్‌, హన్నా వాడింగ్‌హామ్‌, ట్రామెల్‌ టిల్‌మాన్‌, షియా విఘం, గ్రెగ్‌ టార్జాన్‌ డేవిస్‌, చార్లెస్‌ పార్నెల్‌, మార్క్‌ గాటిస్‌, రోల్ఫ్‌ సాక్సన్‌ లూసీ తులుగార్జుక్‌ తదితరులు నటించారు. ఈ చిత్రాన్ని మన దేశంలో మే 17న ఇంగ్లీష్‌, హిందీ, తమిళం, తెలుగులో విడుదల చేస్తున్నారు.