– దేశవ్యాప్తంగా 1,037 పతకాలు
– తెలంగాణకు చెందిన చదువు యాదయ్యకు రాష్ట్రపతి శౌర్య పతకం
నవతెలంగాణ-న్యూఢిల్లీ బ్యూరో
స్వాతంత్య్ర దినోత్సవాన్ని పురస్కరించుకొని పోలీసు, ఫైర్‌ సర్వీస్‌, హౌంగార్డ్‌, సివిల్‌ డిఫెన్స్‌ అధికారులకు వివిధ పోలీసు పతకాలను కేంద్ర హౌం మంత్రిత్వ శాఖ బుధవారం ప్రకటించింది. దేశవ్యాప్తంగా 1,037 మందికి గ్యాలంట్రీ/సర్వీసు పతకాలను అందజేయనుంది. ఈ మేరకు అవార్డుల జాబితాను విడుదల చేసింది. 213 మందికి గ్యాలంట్రీ (శౌర్య) మెడల్స్‌ (జిఎం), ఒకరికి రాష్ట్రపతి శౌర్య పతకం (పిఎంజి), 94 మందికి విశిష్ట సేవ రాష్ట్రపతి మెడల్‌ (పిఎస్‌ఎం) మెడల్స్‌, 729 మందికి మెరిటోరియస్‌ సర్వీస్‌ మెడల్‌ (ఎంఎస్‌ఎం) ప్రకటించింది.
దేశవ్యాప్తంగా ఒకే రాష్ట్రపతి శౌర్య పతకం (పిఎంజీ) ప్రకటించగా అది, తెలంగాణకు చెందిన చదువు యాదయ్యకు దక్కింది. ఇక గ్యాలంట్రీ (శౌర్య) మెడల్స్‌ (జిఎం)లో ఆంధ్రప్రదేశ్‌ రాష్ట్రానికి నాలుగు మెడల్స్‌, తెలంగాణకు ఏడు మెడల్స్‌ దక్కాయి. పిఎంస్‌ఎంలో ఏపికి రెండు, తెలంగాణకు మూడు మెడల్స్‌ దక్కాయి. ఎంఎస్‌ఎంలో ఏపికి 20, తెలంగాణకు 18 మెడల్స్‌ వచ్చాయి. స్వాతంత్య్ర, గణతంత్ర దినోత్సవాలను పురస్కరించుకొని కేంద్ర హౌం శాఖ ఏటా రెండు సార్లు ఈ పోలీసు పతకాలను ప్రకటిస్తోంది.
తెలంగాణకు 29 మెడల్స్‌
రాష్ట్రపతి శౌర్య పతకం(పిఎంజి) తెలంగాణ పోలీసు శాఖకు చెందిన హెడ్‌ కానిస్టేబుల్‌ చదువు యాదయ్యకు లభించింది.
గ్యాలంట్రీ (శౌర్య) మెడల్స్‌ (జిఎం) సునీల్‌ దత్‌ (ఎస్‌పి), మోరా కుమార్‌ (డిప్యూటీ అసాల్ట్‌ కమాండర్‌ / రిజర్వ్‌ ఇన్స్పెక్టర్), శనిగరపు సంతోష్‌ (అసిస్టెంట్‌ అసాల్ట్‌ కమాండర్‌ / రిజర్వ్‌ సబ్‌-ఇన్స్పెక్టర్), అమిలి సురేష్‌ (జూనియర్‌ కమాండో / పోలీస్‌ కానిస్టేబుల్‌), వెల్ముల వంశీ (జూనియర్‌ కమాండో /పోలీస్‌ కానిస్టేబుల్‌), కంపాటి ఉపేందర్‌ (జూనియర్‌ కమాండో / పోలీస్‌ కానిస్టేబుల్‌), పాయం రమేష్‌ (జూనియర్‌ కమాండో / పోలీస్‌ కానిస్టేబుల్‌)కు దక్కాయి.
విశిష్ట సేవ కోసం రాష్ట్రపతి మెడల్స్‌ (పిఎస్‌ఎం) సంజరు కుమార్‌ జైన్‌ (ఎడిజి), కటకం మురళీధర్‌ (డిసిపి), ఫైర్‌ సర్వీస్‌ విభాగంలో వెంకటేశ్వర్లు కందిమల్ల (డ్రైవర్‌ ఆపరేటర్‌)కు దక్కాయి.
మెరిటోరియస్‌ సర్వీస్‌ మెడల్‌ (ఎంఎస్‌ఎం) అవినాష్‌ మొహంతి (పోలీస్‌ కమీషనర్‌), సయ్యద్‌ జమీల్‌ బాషా (కమాండెంట్‌), పి. కృష్ణమూర్తి (ఎఎస్‌పి), కొమరబత్తిని రాము (ఎస్‌ఐ), అబ్దుల్‌ రఫీక్‌ (ఎస్‌ఐ), ఇక్రమ్‌ అబ్‌ ఖాన్‌ (ఎస్‌ఐ), శ్రీనివాస మిశ్రా (ఎస్‌ఐ), కుంచాల బాలకాశయ్య (ఎస్‌ఐ), లక్ష్మయ్య (ఎఎస్‌ఐ), గుంటి వెంకటేశ్వర్లు (ఎఎస్‌ఐ), నూతలపాటి జ్ఞాన సుందరి (ఇన్స్పెక్టర్), ఫైర్‌ సర్వీస్‌ విభాగంలో మాధవరావు తెలుగు (లీడింగ్‌ ఫైర్‌మెన్‌), వాహెదుద్దూన్‌ మహ్మద్‌ (లీడింగ్‌ ఫైర్‌మెన్‌), హౌంగార్డ్‌ విభాగంలో లక్ష్మి బందోళ్ల (ఉమెన్‌ హౌం గార్డ్‌), మల్లేష్‌ మేడిపల్లి (హౌం గార్డ్‌), కవిత ఇంటూరి (ఉమెన్‌ హౌం గార్డ్‌), గాలయ్యా నమల (హౌం గార్డ్‌), సుమలత ఎనుముల (ఉమెన్‌ హౌం గార్డ్‌) దక్కాయి.
