నవతెలంగాణ బ్యూరో-హైదరాబాద్‌
ఉస్మానియా యూనివర్సిటీలోని ఎంప్లాయిమెంట్‌ బ్యూరో ఆధ్వర్యంలో రిలయన్స్‌ నిప్పోన్‌ లైఫ్‌ ఇన్సూరెన్స్‌ కంపెనీ ఈ నెల 25న ఉదయం 11 గంటలకు జాబ్‌మేళా ఏర్పాటు చేసింది. ఆర్ట్స్‌ కాలేజీ ఎదురుగా ఉన్న ఎంప్లాయిమెంట్‌ కార్యాలయంలో నిర్వహించనున్న ఈ జాబ్‌ మేళాలో 30 లైఫ్‌ ప్లానింగ్‌ ఆఫీసర్‌ ఖాళీలను భర్తీ చేయనున్నారు. డిగ్రీ, మాస్టర్స్‌ పూర్తి చేసి 29 నుంచి 45 సంవత్సరాల వయసు గల మహిళలకు మాత్రమే ఈ అవకాశం కల్పిస్తున్నట్టు యూనివర్సిటీ ఎంప్లాయిమెంట్‌ ఇన్ఫర్మేషన్‌ బ్యూరో తెలిపింది. మరిన్ని వివరాలకు ఎంప్లాయిమెంట్‌ అధికారి జోషిని (8340037123) సంప్రదించాలని కోరారు.
