మాస్‌ బీట్‌తో ‘అమెరికా నుండి వచ్చాను..’

హీరో నాగశౌర్య నటిస్తున్న పక్కా యాక్షన్‌ ఎంటర్‌టైనర్‌ ‘బ్యాడ్‌ బారు కార్తీక్‌’. రామ్‌ దేశినా (రమేష్‌) దర్శకత్వం వహిస్తున్నారు. విధి హీరోయిన్‌. శ్రీ వైష్ణవి ఫిల్మ్స్‌ బ్యానర్‌పై శ్రీనివాసరావు చింతలపూడి నిర్మిస్తున్నారు. తాజాగా మేకర్స్‌ ‘అమెరికా నుండి వచ్చాను పాటని రిలీజ్‌ చేశారు. ‘హారిస్‌ జయరాజ్‌ ఈ సాంగ్‌ని ఫుట్‌ ట్యాపింగ్‌ నెంబర్‌గా కంపోజ్‌ చేశారు. చంద్రబోస్‌ రాసిన లిరిక్స్‌ మాస్‌ని ఆకట్టుకోవడంతో పాటు చాలా డెప్త్‌ మీనింగ్‌తో ఉన్నాయి. చందన బాల కళ్యాణ్‌, గోల్డ్‌ దేవరాజ్‌ వోకల్స్‌ సాంగ్‌లో మరింత ఎనర్జీ నింపాయి. ఈ సాంగ్‌కి సోషల్‌ మీడియాలో అద్భుతమైన రెస్పాన్స్‌ వస్తోంది.

ఇప్పటికే నాగశౌర్య క్యారెక్టర్‌ ఇంటెన్స్‌ నేచర్‌ని ప్రజెంట్‌ చేసిన ఈ సినిమా ఫస్ట్‌ లుక్‌కి, ఫస్ట్‌ సింగిల్‌ ‘నా మావ పిల్లనిత్తానన్నాడే’ సాంగ్‌కి అద్భుతమైన రెస్పాన్స్‌ రావడంతో సినిమాపై అంచనాలు పెరిగాయి’ అని చిత్ర యూనిట్‌ తెలిపింది. సముద్రఖని, సీనియర్‌ నరేష్‌, సాయికుమార్‌, వెన్నెల కిషోర్‌, మైమ్‌ గోపి, శ్రీదేవి విజయ్ కుమార్‌, వెన్నెల కిషోర్‌ వంటి ప్రముఖ తారాగణం కీలక పాత్రలు పోషిస్తున్నారు. ఈ చిత్రానికి రచన, దర్శకత్వం: రామ్‌ దేశిన (రమేష్‌), నిర్మాత: శ్రీనివాసరావు చింతలపూడి, డీవోపీ: రసూల్‌ ఎల్లోర్‌, సంగీతం: హారిస్‌ జైరాజ్‌, ఆర్ట్‌: రామాంజనేయులు, ఎడిటర్‌: కోటగిరి వెంకటేశ్వరరావు, ఫైట్స్‌- సుప్రీమ్‌ సుందర్‌, పధ్వి, ఎగ్జిక్యూటివ్‌ ప్రొడ్యుసర్‌: శంకర్‌.