‘అఖండ 2: తాండవం’ రిలీజ్‌ డేట్‌ ఫిక్స్‌

నందమూరి బాలకృష్ణ, దర్శకుడు బోయపాటి శ్రీను కాంబోలో రూపొందు తున్న 4వ చిత్రం ‘అఖండ 2: తాండవం’. ప్రస్తుతం పోస్ట్‌ ప్రొడక్షన్‌ చివరి దశలో ఉంది. 14 రీల్స్‌ ప్లస్‌ బ్యానర్‌పై రామ్‌ ఆచంట, గోపీచంద్‌ ఆచంట నిర్మిస్తున్న ఈ ప్రాజెక్ట్‌ను ఎం తేజస్విని నందమూరి సమర్పిస్తున్నారు. ఇప్పటికే విడుదలైన ‘అఖండ 2’ టీజర్‌ భారీ బజ్‌ క్రియేట్‌ చేసి అభిమానులను ఉర్రూతలూగించింది. మేకర్స్‌ మరింత ఎగ్జైట్‌మెంట్‌ క్రియేట్‌ చేస్తూ సినిమా రిలీజ్‌ డేట్‌ని అనౌన్స్‌ చేశారు. ఈ సినిమా డిసెంబర్‌ 5న గ్రాండ్‌గా రిలీజ్‌ కానుంది. ఈ సీక్వెల్‌ ఒక గ్రేట్‌ సినిమాటిక్‌ ఎక్స్‌ పీరియన్స్‌ అందించబోతోంది. బోయపాటి శ్రీను బిగ్గెస్ట్‌ కాన్వాస్‌పై లార్జర్‌ దెన్‌ లైఫ్‌ మూవీ రూపొందిస్తున్నారు. రిలీజ్‌ డేట్‌ పోస్టర్‌లో బాలకృష్ణ లాంగ్‌ హెయిర్‌, రగ్గడ్‌ బీర్డ్‌తో పవర్‌ఫుల్‌గా కనిపిస్తున్నారు.

మెడ నిండా పవిత్ర మాలలు, ఆభరణాలు, చేతిలో భారీ త్రిశూలం, కాషాయం, గోధుమరంగు సంప్రదాయ దుస్తులు ఆయన లుక్‌కి మైథాలజికల్‌, డివైన్‌ వైబ్‌ జోడించాయి. మంచుతో నిండిన ప్రకాశవంతమైన బ్యాక్‌డ్రాప్‌లో కనిపించిన లుక్‌ అదిరిపోయింది. ఎస్‌.తమన్‌ అందిస్తున్న పవర్‌ఫుల్‌ బ్యాక్‌గ్రౌండ్‌ స్కోర్‌ ఈ సినిమాకి హై వోల్టేజ్‌ ఎనర్జీ అందించబోతోంది. అభిమానులు, మాస్‌ ఆడియెన్స్‌ బాలయ్య డివైన్‌ ఫెరోషియస్‌ అవతార్‌ కట్టిపడేసింది అని చిత్ర యూనిట్‌ తెలిపింది. ఈ చిత్రంలో సంయుక్త ముఖ్యపాత్రలో నటిస్తున్నారు. ఆది పినిశెట్టి ఓ పవర్‌ఫుల్‌ పాత్రని పోషిస్తున్నారు. హర్షాలి మల్హోత్రా కీలక పాత్రలో కనిపించనున్నారు. ఈచిత్రానికి రచన, దర్శకత్వం: బోయపాటి శ్రీను, నిర్మాతలు: రామ్‌ ఆచంట, గోపి ఆచంట, సమర్పణ: ఎం తేజస్విని నందమూరి, సంగీతం: తమన్‌, డీవోపీ: సి.రాంప్రసాద్‌, సంతోష్‌, ఎగ్జిక్యూటివ్‌ ప్రొడ్యూసర్‌: కోటి పరుచూరి, ఆర్ట్‌: ఏఎస్‌ ప్రకాష్‌, ఎడిటర్‌: తమ్మిరాజు, ఫైట్స్‌: రామ్‌-లక్ష్మణ్‌.