‘ఏయ్ మీసాల పిల్లా.. కోపం కొంచెం తగ్గాలే పిల్లా’

చిరంజీవి, దర్శకుడు అనిల్‌ రావిపూడి దర్శకత్వంలో రూపొందుతున్న ఫ్యామిలీ ఎంటర్టైనర్‌ ‘మన శంకరవ ప్రసాద్‌ గారు’. ఈ చిత్రంలో నయనతార కథానాయిక. ఈ ప్రాజెక్ట్‌ను షైన్‌ స్క్రీన్స్‌ బ్యానర్‌పై సాహు గారపాటి, సుష్మిత కొణిదెల గోల్డ్‌ బాక్స్‌ ఎంటర్టైన్మెంట్స్‌తో కలిసి గ్రాండ్‌ కాన్వాస్‌పై నిర్మిస్తున్నారు. అర్చన సమర్పిస్తున్నారు. దసరా సందర్భంగా మేకర్స్‌ ఫస్ట్‌ సింగిల్‌ ‘మీసాల పిల్ల’ ప్రోమోను రిలీజ్‌ చేశారు. ఈ ఆల్బమ్‌ని స్పెషల్‌ కాన్సెప్ట్‌ డిజైన్‌ చేశారు. ప్రతి పాటకీ మెగా అన్న ప్రిఫిక్స్‌ జోడించి మెగా గ్రేస్‌, మెగా స్వాగ్‌, మెగా మాస్‌ అంటూ క్యురియాసిటీ క్రియేట్‌ చేశారు. ఈ ఐడియా ఫ్యాన్స్‌, మ్యూజిక్‌ లవర్స్‌ని ఆకట్టుకుంది. ఈ ఏడాది సంక్రాంతికి ‘సంక్రాంతికి వస్తున్నాం’ ఆల్బమ్‌తో సంచలనం సష్టించిన మ్యూజిక్‌ సెన్సేషన్‌ భీమ్స్‌ సిసిరోలియో ఇప్పుడు మరోసారి పండుగ సందడి క్రియేట్‌ చేసే చార్ట్‌బస్టర్‌ ఆల్బమ్‌తో రాబోతున్నారు.

శుక్రవారం రిలీజ్‌ చేసిన అనౌన్స్‌మెంట్‌ వీడియోలో అనిల్‌ రవిపూడి స్టైల్‌లోని సరదా టచ్‌, అలాగే లెజెండరీ సింగర్‌ ఉదిత్‌ నారాయణ్‌ పాడిన ఫస్ట్‌ సింగిల్‌ ‘మీసాల పిల్లని’ పరిచయం చేశారు. వీడియోలోని క్విర్కీ ప్రెజెంటేషన్‌ నవ్వులు పంచి మ్యూజిక్‌ ఫీవర్‌కి స్టేజ్‌ రెడీ చేసింది. మెగా గ్రేస్‌ ట్రాక్‌ ప్రోమోగా వచ్చిన మీసాల పిల్ల ఫ్రెష్‌గా, ఎనర్జిటిక్‌గా, ఫస్ట్‌ బాల్‌ కే సిక్స్‌ కొట్టినట్లుగా ఉంది. నాస్టాల్జియా, మెలొడీ, యూనివర్సల్‌ అపీల్‌ని కలిపిన ఈ సాంగ్‌ అందరికీ నచ్చే హిట్‌ ట్యూన్‌ అవ్వడం ఖాయమని చిత్ర బృందం నమ్మకం వ్యక్తం చేసింది. వచ్చే ఏడాది సంక్రాంతి పండుగ సందర్భంగా ఈ సినిమా థియేటర్లలోకి రానుంది. చిరంజీవి, నయనతార, వీటీవీ గణేష్‌ తదితరులు నటిస్తున్న ఈచిత్రానికి రచన, దర్శకత్వం- అనిల్‌ రావిపూడి, నిర్మాతలు – సాహు గారపాటి, సుస్మిత కొణిదెల, సమర్పణ – శ్రీమతి అర్చన, సంగీతం – భీమ్స్‌ సిసిరోలియో, డీవోపీ – సమీర్‌ రెడ్డి, ప్రొడక్షన్‌ డిజైనర్‌ – ఎ.ఎస్‌.ప్రకాష్‌, ఎడిటర్‌ – తమ్మిరాజు, రచయితలు – ఎస్‌ కృష్ణ, జి ఆది నారాయణ, ఎగ్జిక్యూటివ్‌ ప్రొడ్యూసర్‌ – ఎస్‌ కృష్ణ, లైన్‌ ప్రొడ్యూసర్‌ – నవీన్‌ గారపాటి, ఎడిషినల్‌ డైలాగ్స్‌ – అజ్జు మహంకాళి, తిరుమల నాగ్‌.