డాక్టర్ బి.ఆర్. అంబేడ్కర్ పేరు ఒక ఫ్యాషన్ అయిపోయిందనే వ్యాఖ్యలు దేశ పార్లమెంట్ లో కేంద్ర హోంశాఖ మంత్రి అమిత్ షా అనడం అంబేద్కర్ని అవమానించడమే అవుతుంది. ఇది ఫ్యాషన్ అయినా, దానిలో తప్పేముంది? ఎందుకంటే, ఫ్యాషన్ అనేది కేవలం శైలీలు, ట్రెండ్స్ లేదా సమాజంలో ప్రబలిన ఆలోచనల ప్రతిబింబం మాత్రమే కాదు, అది ఒక ఆలోచనాత్మకత, పురోగమన దిశలో సమాజాన్ని నడిపించే దిశలో ఉండాలి. ఫ్యాషన్ అనేది శక్తివంతమైనది, అది వ్యక్తులను ఆత్మవిశ్వాసంతో, సౌకర్యంగా, అనిపించేటట్లు ఉండాలి. ఫ్యాషన్ వ్యక్తులకు వారి వ్యక్తిత్వాన్ని వ్యక్తీకరించే అవకాశాలను అందించాలి, అది వారి విలువలు, శ్రేయస్సును మరచిపోకుండా.
అంబేడ్కర్ యొక్క ఆలోచనల విధానం
వెనుకబడిన ఆచారాలను వెనక్కి నెట్టి, సమానత్వానికి మార్గదర్శకంగా నిలిచిన అంబేడ్కర్‌ను గుర్తు చేసుకోవడం మనకు ఆవశ్యకమే. నేటి రోజుల్లో మనకు అందుబాటులో ఉన్న హక్కులు, సమానత్వం, న్యాయం — ఇవన్నీ అంబేడ్కర్ చూపించిన మార్గంలోనే సాధ్యమయ్యాయి. మహిళలు ఉద్యోగాల్లో పని చేయడం, సమాన వేతనాలు పొందడం, ప్రసూతి సెలవులు పొందడం ఇవన్నీ ఆయన ఇచ్చిన రాజ్యాంగ స్ఫూర్తిలో భాగమే. అంబేడ్కర్ రాసిన రాజ్యాంగం కారణంగా మనం నిత్యం ఆస్వాదిస్తున్న ఈ హక్కులు మన జీవితాల్లో ఎంతో ముఖ్యమైనవి. మనం ఇవన్నీ సహజంగా వచ్చాయని భావిస్తున్నామే కానీ వాటి వెనుక ఆయన చేసిన పోరాటం అంత సులభమైనది కాదు.
నేటి సమాజంలో ఇంకా అనవసర
ఆచారాలు, అర్థం లేని ప్రతిమల పూజలు, వెనుకబాటుతనం కనబడుతున్నా, అంబేడ్కర్ గురించి మాట్లాడటం మాత్రం ముందుకు నడిపించే ఆలోచనకు దారి చూపుతుంది. ఆయన పేరు మనకు సమానత్వం, సామాజిక న్యాయం, స్వేచ్ఛలను గుర్తు చేస్తుంది. అది ఎప్పటికీ ప్రాముఖ్యమే. అలాంటప్పుడు ఒక వ్యక్తి జీవితాన్ని, వ్యక్తిత్వాన్ని మెరుగుపరచిన మహానీయుడి గురించి మాట్లాడడం తప్పేంటని ప్రశ్నించుకోవాలి.
డాక్టర్ అంబేడ్కర్‌ను గుర్తు చేసుకోవడం
రాజకీయ ప్రకటన కాదు. అయన మన మేలుకోసం చేసిన కృషి అని మనం తెలియజేయాల్సిన అవసరమం ఉంది . సమాజంలో ప్రతి ఒక్కరి జీవితానికి ఆయన చేసిన సేవలు మనం రోజూ అనుభవిస్తున్నాం. ఆయన చూపించిన మార్గం మన జీవితాన్ని ప్రభావితం చేస్తూనే ఉంది. కనుక ఒక భారతీయుడు ఆయన పేరును పదే పదే గుర్తు చేసుకుంటే దానిలో తప్పేముంది? అది మనకు మన హక్కులు, మన సమానత్వం గురించి గుర్తు చేసే గొప్ప ప్రక్రియగా మారుతుంది.
నేడు మనం ఉద్యోగాల్లో పని చేస్తున్నా, సమాన హక్కులతో బతుకుతున్నా, అణగారిన వర్గాలకు విద్యా అవకాశాలు అందుతున్నా — ఇవన్నీ ఆయన ఆలోచనల ప్రభావమే. ఆయన పేరు మనకు రోజూ ఎదురయ్యే సమస్యలకు ఒక పరిష్కార దారి చూపిస్తుంది. ఒకప్పుడు బ్రాహ్మణేతర వర్గాలకు విద్యను అందనంత దూరంగా ఉంచిన సమాజం నుంచి నేడు అందరికీ సమాన హక్కులు, అవకాశాలు కల్పించే స్థాయికి వచ్చిన దేశం మనది. ఈ మార్పును తీసుకొచ్చినది అంబేడ్కర్ విప్లవాత్మక ఆలోచనలు.
అందుకే, అంబేడ్కర్ పేరు ఒక ఫ్యాషన్ అయిపోయిందన్న వ్యాఖ్యలకు అర్థం లేదు. అది ఆమిత్ షా యొక్క పురోగమన ఆలోచనను ప్రతిబింబిస్తుంది. ఆయనను తలచుకుంటూ మన జీవితాల్లో ఆయన చూపించిన మార్గాలను అమలు చేస్తే అది నిజమైన గౌరవం. అంబేడ్కర్‌ను మనస్ఫూర్తిగా గుర్తు చేసుకోవడంలో తప్పేముంది? ప్రతి మనిషికి జీవితాన్ని మెరుగుపరిచే మార్గం చూపిన వ్యక్తిని గుర్తు చేసుకోవడం ఏనాడూ అనవసరం కాదు.
సృజన దుర్గే
