తెలంగాణ ఆడబిడ్డలకు సద్దుల బతుకమ్మ శుభాకాంక్షలు: కేసీఆర్

నవతెలంగాణ - హైదరాబాద్ : తెలంగాణ రాష్ట్ర వ్యాప్తంగా తొమ్మిది రోజుల పాటు ఎంతో వైభవంగా సాగిన బతుకమ్మ సంబురాలు ముగింపు దశకు చేరుకున్నాయి. ఈ సందర్భంగా ఆడబిడ్డలకు మాజీ సీఎం కేసీఆర్ సద్దుల బతుకమ్మ శుభాకాంక్షలు తెలిపారు. తొమ్మిది రోజుల పాటు ఆడబిడ్డల ఆటపాటలతో తెలంగాణ అంతటా బతుకమ్మ పండుగ సందడి నెలకొందని ఆయన పేర్కొన్నారు. పూల పండుగగా పిలవబడే ఈ సంబురాలు తెలంగాణ సంస్కృతి, సంప్రదాయాలకు ప్రతీకగా నిలుస్తాయని ఈ సందర్భంగా గుర్తు చేశారు.