జగ్గారావు కుటుంబానికి బీఆర్ఎస్ ఆర్థిక సహాయం 

మండలంలోని ముద్దులగూడెం గ్రామంలో మాడే నరసయ్య చిన్న కుమారుడు జగ్గారావు ఇటీవల రహదారి ప్రమాదంలో మృతి చెందడం జరిగింది. శుక్రవారం గ్రామ బిఆర్ఎస్ పార్టీ అధ్యక్షుడు గజ్జి ఎలేందర్ ఆధ్వర్యంలో జగ్గారావు కుటుంబానికి రూ.12,000 ఆర్థిక సహాయాన్ని అందించారు. ఈ సందర్భంగా ఎల్లెందర్ మాట్లాడుతూ జగ్గారావు మృతి విషాదకరమని ఆ కుటుంబానికి తీరని లోటు అని అన్నారు. జగ్గారావు తల్లిదండ్రులను కుటుంబ సభ్యులను ఓదార్చి ఆర్థిక సహాయాన్ని అందించారు. ఈ కార్యక్రమంలో మాజీ ఎంపీటీసీ రాంచందర్, సీనియర్ మహిళా నాయకురాలు విజయక్క  మరియు సీనియర్ నాయకులు కార్యకర్తలు అధిక సంఖ్యలో పాల్గొన్నారు.