హెడ్ కానిస్టేబుల్‌పై సస్పెన్షన్ వేటు..

సస్పెన్షన్ ఉత్తర్వులు జారీచేసిన ఇంచార్జ్ డీఐజీ  సన్ ప్రీత్ సింగ్
నవతెలంగాణ – కామారెడ్డి: గత ఏడాది పాస్‌పోర్టు విచారణలో తీవ్ర నిర్లక్ష్యం వహించినందుకు హెడ్ కానిస్టేబుల్  పి.కృష్ణ, హెచ్‌సి ను ఇంచార్జ్ డీఐజీ సన్ ప్రీత్ సింగ్, సస్పెండ్ చేయడం జరిగిందనీ ఎస్పీ ఒక ప్రకటనలో తెలిపారు.  ఆయన గత ఏడాది కామారెడ్డి జిల్లా డిస్ట్రిక్ట్ స్పెషల్ బ్రాంచ్‌లో విధులు నిర్వహిస్తున్న సమయంలో, టేకుల రాజయ్య పాస్‌పోర్టు దరఖాస్తుపై విచారణ విషయములో తీవ్ర నిరక్షంగా వ్యవహరించారన్నారు.  కనీస ప్రాథమిక పరిశీలన లేకుండానే క్లియరెన్స్ ఇవ్వడం జరిగింది.  సమగ్ర విచారణ చేయలేకపోవడం వలన రాజయ్యకు అంతకు ముందే రాజు పేరుపై ఉన్న పాస్‌పోర్టు గురించి తెలుసుకోలేకపోయారు. తదుపరి రాజయ్యపై ఆర్.జి.ఐ ఎయిర్ పోర్ట్ పోలీసు స్టేషన్ లో కేసు కూడా నమోదు కావడం జరిగింది.   ఈ విషయములో తన దృష్టికి వచ్చి పరిశీలించిన అనంతరం ఈ  విషయాన్ని ఇంచార్జ్ డీఐజీకి నివేదిక పంపించడం జరిగిందన్నారు. ఈ విషయాన్ని  సీరియస్‌గా పరిగణించిన ఆమె , బాధ్యతారాహిత్యానికి బాధ్యుడైన హెడ్ కానిస్టేబుల్ తక్షణమే సస్పెండ్ చేస్తూ ఆదేశాలు జారీ చేశారు. ఈ సందర్భంగా ఇంచార్జ్ డీఐజీ మాట్లాడుతూ.. విధుల్లో నిర్లక్ష్యం ప్రదర్శించిన వారిపై కఠిన చర్యలు తప్పవని, ప్రజల నమ్మకాన్ని నిలబెట్టే దిశగా పోలీసు శాఖ సమర్థంగా పనిచేస్తుందని, బాధ్యత  లేకుండా ప్రవర్తించే పోలీసు అధికారులు, సిబ్బందిపై నిరంతరం నిఘా ఉంటుందని ఇంచార్జ్ డి ఐ జి  స్పష్టం చేశారు.