లేండి వాగు వైపు రాకుండా దారులు మూసివేసిన అధికారులు

మద్నూర్ మండలంలోని గోజేగావ్ లేండి వాగు పొంగి పొర్లుతున్న సందర్భంగా వాగు వైపు ఎవరు రాకూడదని మండల శాఖ అధికారులైన తాసిల్దార్ ఎండి ముజీబ్, ఎంపీడీవో రాణి, ఎస్సై విజయ్, కొండా ఆర్ఐ శంకర్, తదితరులు పొంగిపొర్లుతున్న లేండి వాగును పరిశీలిస్తూ ఈ దారి గుండా ఎవరు రాకుండా ముందు జాగ్రత్తగా ముళ్ళ కంపలు వేస్తూ దారులు మూసివేశారు. మండల ప్రజలకు హెచ్చరికలు జారీ చేస్తూ ఈ రహదారి వైపు ఎవరు రాకూడదని తెలియజేశారు. రాకపోకలు బంద్ అయిన గోజేగావ్ గ్రామ ప్రజలు లేండి వాగు వరద నీటి మూలంగా అప్రమత్తంగా ఉండాలని ఆ గ్రామ ప్రజలకు మండల తాసిల్దార్ ఎంపీడీవో ఎస్సై ఆదేశాలు జారీ చేశారు.. మండల అధికారుల వెంట పలువురు పాల్గొన్నారు.