నవతెలంగాణ – మహాముత్తారం వేతనజీవులను ఏసీ రూమ్ లలో కూర్చొని జీతాలు తీసుకుంటున్నారు అని హరీష్ రావు అనడం వారి విజ్ఞతకే వదిలేద్దామని కాంగ్రెస్ నాయకులు రూబిన్ అన్నారు. శనివారం నవతెలంగాణతో మాట్లాడారు. 90 శాతం మంది ఉద్యోగ ఉపాధ్యాయులకు కనీసం ఫ్యాన్ కూడా ఉండదని అన్నారు.నెల నెల పనిచేసి తీసుకునే వేతనంకు సంక్షేమ పథకాలతో ముడిపెట్టడం ఎంత వరకు సబబో హరీష్ రావు కే తెలియాలి. ఉద్యోగులు అంటే తమలాగా కూలిపోయే ప్రాజెక్టులు (కాళేశ్వరం) కట్టే వాళ్ళు అనుకుంటున్నారెమో, ప్రభుత్వం ఇచ్చే ప్రతి పథకాన్ని ప్రజల వద్దకు తీసుకెళ్ళేదే ఉద్యోగులు, ఉపాధ్యాయులుఅని తెలియజేశారు. రాక్షస రాజకీయం అంటే ఇదేనేమో ఓట్ల కోసం ఒక్కరిని నిందించి లబ్ది పొందాలనుకోవడం దుర్మార్గం, తెలంగాణ పేరు చెప్పుకొని వేల కోట్లు దండుకొని ఇవ్వాళా ఈ విధంగా మాట్లాడం దారుణమని తెలిపారు.తెలంగాణ కోసం సకలజనుల సమ్మెలో పాల్గొని పోరాటాలు జరిపి తెలంగాణ తెచ్చింది వారి కోసమె అన్నట్టుంది అని అన్నారు.అయన నీటిపారుదల శాఖ మంత్రిగా కూలిపోయే ప్రాజెక్టులు కడితే అది రైతులకు అన్యాయం చేసినట్టు కదా, ఉద్యోగులకు జీతాలు ఇస్తే రైతులకు అన్యాయం చేసినట్టు ఇది ఎక్కడి విడ్డురమో తెలుపాలని ఆయన అన్నారు.
