– యాజమాన్యానికి టీజీఎస్‌ఆర్టీసీ ఎస్‌డబ్ల్యూఎఫ్‌ విజ్ఞప్తి
నవతెలంగాణ-హైదరాబాద్‌బ్యూరో
ఆర్టీసీలో కార్మికులు, ఉద్యోగుల సహజ మరణానికి కూడా రూ.15 లక్షలు ఇన్సూరెన్స్‌ వచ్చేలా చర్యలు చేపట్టాలని టీజీఎస్‌ఆర్టీసీ స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) కోరింది. ఈ మేరకు ఆర్టీసీ ఎగ్జిక్యూటివ్‌ డైరెక్టర్‌ (ఏ, ఎమ్‌, పీ అండ్‌ ఏఎమ్‌)కు ఫెడరేషన్‌ రాష్ట్ర కమిటీ సోమవారం వినతిపత్రం సమర్పించింది. ఆ సంఘం అధ్యక్ష, ప్రధాన కార్యదర్శులు వీరాంజనేయులు, వీఎస్‌ రావు ఆ వివరాలు వెల్లడించారు. టీజీఎస్‌ఆర్టీసీలో సర్వీస్‌లో ఉండి, ఏ కారణంతో అయినా జరిగే సహజ మరణానికి కూడా కనీసం రూ.15 లక్షలు ఆ కుటుంబానికి అందేలా యూనియన్‌బ్యాంక్‌తో సంప్రదింపులు జరిపాలని కోరారు. యూనియన్‌బ్యాంక్‌లో సూపర్‌ సేలరీ అక్కౌంటు కలిగి, ప్రమాదంలో మరణించిన కార్మికుని కుటుంబానికి రూ.1 కోటి 15 లక్షలు ఇన్సూరెన్స్‌ ద్వారా చెల్లిస్తున్నారనీ, ప్రమాదంలో కుటుంబ పెద్దను కోల్పోయిన ఆ కుటుంబానికి అది బాగా సహాయపడుతుందని చెప్పారు. అదే తరహాలో సహజ మరణం పొందిన కార్మికుని కుటుంబానికి కూడా రూ.15 లక్షలు ఇన్సూరెన్స్‌ వచ్చేలా స్కీం రూపొందించాలని కోరారు.
కార్మికుడు / ఉద్యోగి నుంచి నెలవారీగా వంద రూపాయలు రికవరీ చేసుకొని, కనీస మొత్తం రూ.15 లక్షల ఇన్సూరెన్స్‌ వచ్చేలా యూనియన్‌ బ్యాంక్‌తో చర్చలు జరపాలని విజ్ఞప్తి చేశారు. ఈ స్కీంను ప్రారంభించే క్రమంలో ప్రీమియం నెలకు వంద రూపాయలు మాత్రమే ప్రీమియం వుండేలా చూడాలనీ, ఐదేండ్ల తర్వాతే దీనిపై సమీక్ష చేసేలా నిబంధన ఉండాలని సూచించారు. ఇన్సూరెన్స్‌ చెల్లింపునకూ, హాజరుకు ఎటువంటి సంబంధం లేకుండా చూడాలని కోరారు.
Related posts:
చిత్తశుద్ధి ఉంటే ఫీజురీయింబర్స్‌మెంట్‌ చెల్లించాలి
పెద్దల సభకు మోసగాళ్లను పంపొద్దు
ఉపాధ్యాయులకు ప్రమోషన్స్‌ కల్పించాలి టీఎస్‌ యూటీఎఫ్‌
తీన్మార్‌ మల్లన్నకు లక్షకు పైగా మెజార్టీ పక్కా..
హైదరాబాద్‌ బుక్‌ ఫెయిర్‌ అధ్యక్ష, ప్రధాన కార్యదర్శులుగా కవి యాకూబ్‌, ఆర్‌.వాసు
ధాన్యం కొనుగోళ్లలో ‘యూ’ ట్యాక్స్‌ వసూలు