– జిల్లావ్యాప్తంగా 93 శాతం అధిక వర్షపాతం నమోదు
నవతెలంగాణ – నల్గొండ కలెక్టరేట్
నల్లగొండ జిల్లా వ్యాప్తంగా గడిచిన 24 గంటల్లో 7.5 మిల్లీమీటర్ల సరాసరి వర్షపాతం నమోదయింది. ప్రస్తుతం వానాకాలమే అయినప్పటికీ వర్షాలు మాత్రం అడపాదడపానే కురుస్తున్నాయి. విత్తనాలు విత్తుకున్న రైతులు వర్షం కోసం ఎంతో ఆశతో ఎదురుచూస్తున్నారు. అల్పపీడన ద్రోణి ప్రభావంతో శనివారం నుండి నల్లగొండ జిల్లా వ్యాప్తంగా వర్షం కురుస్తోంది. దీంతో రైతులు హర్షం వ్యక్తం చేస్తున్నారు. జూన్ నెల మాసానికి సంబంధించి ఒకటవ తేదీ నుండి 30వ తేదీ వరకు 83.2 మిల్లీమీటర్ల వర్షపాతం జిల్లా వ్యాప్తంగా నమోదు కావలసి ఉండగా నేటికీ 160.8 మిల్లీమీటర్ల వర్షపాతం నమోదయింది. జిల్లా వ్యాప్తంగా చూస్తే పడాల్సిన వర్షానికి 93 శాతం అధిక వర్షపాతం నమోదయింది. ఇప్పటివరకు అత్యధికంగా మిర్యాలగూడలో 26.7 మిల్లీమీటర్ల వర్షపాతం నమోదు కాగా అత్యల్పంగా నాంపల్లి మండలంలో 0.7 మిల్లీమీటర్ల వర్షపాతం నమోదయింది.
మండలాల వారిగా వర్షపాతం వివరాలు..
మిర్యాలగూడలో 26.7 మిల్లీమీటర్లు, తిప్పర్తి 22.8, దామరచర్ల 18.0, నిడమనూరు 15.9, త్రిపురారం 15.1, వేములపల్లి 12.0, మాడుగులపల్లి 10.8, శాలిగౌరారం 10.6, కేతేపల్లి 10.1, నల్లగొండ 9.9, మునుగోడు 8.6, పీఏ పెళ్లి 8.2, అనుముల 7.4, చందంపేట 6.7, చింతపల్లి 6.5, అడవిదేవులపల్లి 6.4, చండూరు 5.1, కొండమల్లపల్లి 4.4, పెద్దవూర 4.3, నేరేడు కొమ్ము 3.8, మర్రిగూడ 3.4, దేవరకొండ 3.3, చిట్యాల 2.9, తిరుమలగిరి సాగర్ 2.6, నకిరేకల్ 2.5, గట్టుపల్ 2.3, గుండ్లపల్లి 2.2, కట్టంగూరు 2.1, కనగల్ 1.9, గుర్రంపోడు 1.2, నార్కట్పల్లి 1.0, నాంపల్లి 0.7 మిల్లీమీటర్ల వర్షపాతం నమోదయింది.
