ఉపాధ్యాయ ఎమ్మెల్సీ ఎన్నికలకు సర్వం సిద్ధం 

వరంగల్, ఖమ్మం, నల్లగొండ ఉపాధ్యాయ ఎమ్మెల్సీ ఎన్నికలకు సర్వం సిద్ధమైంది. మండల కేంద్రంలోని జెడ్పీ ఉన్నత పాఠశాలలో పోలింగ్ కేంద్రం ఏర్పాటు చేశారు. మండలం నుండి 34 మంది ఉపాధ్యాయులు తమ ఓటు హక్కును బ్యాలెట్ ద్వారా వినియోగించుకోనున్నారు. ఈ ఎన్నికల్లో మొత్తం 17 మంది అభ్యర్థులు పోటీలో ఉన్నారు. నేడు ఉదయం 8 నుంచి సాయంత్రం 4 గంటల వరకు పోలింగ్‌ జరుగుతుందని, 4 గంటల సమయానికి ఓటు వేసేందుకు లైన్‌ లో ఉన్నవారందరికీ ఓటు వినియోగించుకునే అవకాశం ఉంటుందన్నారు. అలాగే ఎక్కడా ఎటువంటి అవాంఛనీయ ఘటనలు చోటు చేసుకోకుండా పటిష్ట బందోబస్తు ఏర్పాటు చేశామని ఎస్సై క్రాంతి కిరణ్ తెలిపారు.