నవతెలంగాణ – పెద్దవూరనల్గొండ జిల్లా పెద్దవూర మండలం చివరి సర్వసభ్య సమావేశం మండల కేంద్రంలోని ఎంపీడిఓ కార్యాలయంలో ఎంపీపీ చెన్ను అనురాధ సుందర్ రెడ్డి అధ్యక్షతన చివరి మండల సర్వసభ్య సమావేశం నిర్వహిస్తున్నట్లు నూతన ఎంపీడీఓ ఉపేందర్ రెడ్డి శుక్రవారం తెలిపారు. మధ్యాహ్నం 2 గంటలకు సమావేశం ప్రారంభం అవుతుందని ఈ కార్యక్రమానికి మండలంలో మండలం ప్రత్యేక అధికారులు, కార్యదర్శులు, మండలం స్థాయి అధికారులు హాజరు కావాలని అదేవిధంగా వివిధ శాఖల మండల అధికారులు తప్పనిసరిగా తమ పూర్తి నివేదికలతో మండల సర్వసభ్య సమావేశానికి హాజరు కావాలని ఎంపీడీవో తెలిపారు.ప్రతి మూడు నెలలకు ఒకసారి ఈ సమావేశం జరిగేడని ఈసారి ఇదే చివరి సమావేశం కావడం తో ఎంపీటిసి లు హాజరు కావాలని అన్నారు. గ్రామాల్లో ఉన్న సమస్యల పరిష్కారం గురించి చర్చ జరుగుతుంది కాబట్టి వివిధ రకాల సమస్యలు అధికారుల దృష్టికి తీసుకెళ్లి పరిష్కరించు కోవాలని కోరారు.
