‘నీదేమో నైట్‌ షిఫ్టు, నీ వైఫ్‌ది మార్నింగ్‌ షిఫ్టు..’

నేపథ్య గాయకుడు రామ్‌ మిరియాల పాడితే ఆ పాట ఛాట్‌బస్టర్‌ కావాల్సిందే. ‘చిట్టి నీ నవ్వంటే లక్ష్మీ పటాసే..’, ‘టిల్లు అన్న డీజే పెడితే..’, ‘ఛమ్కీల అంగీలేసి..’, ‘ఊరు పల్లెటూరు..’, ‘టికెట్‌ ఏ కొనకుండా..’, ‘సుఫియానా…’ ఇలా ఆయన పాడిన పాటలన్నీ మ్యూజిక్‌ లవర్స్‌కు ఫేవరేట్‌ సాంగ్స్‌ అయ్యాయి.
ఈ వెర్సటైల్‌ సింగర్‌ ‘సంతాన ప్రాప్తిరస్తు’ సినిమా టైటిల్‌ సాంగ్‌ పాడారు. కాసర్ల శ్యామ్‌ లిరిక్స్‌ అందించిన ఈ పాటను సునీల్‌ కశ్యప్‌ కంపోజ్‌ చేశారు అని చిత్ర యూనిట్‌ తెలిపింది.
‘సంతాన ప్రాప్తిరస్తు, శుభమస్తు, అవిఘ్నమస్తు… సంతాన ప్రాప్తిరస్తు ఆశీర్వదిస్తూ, ఆల్‌ ది బెస్టు, నెత్తిన జిలకర బెల్లం పెట్టు, మంగళసూత్రం మెళ్లోన కట్టు, లక్షలు వోసి దావత్‌ వెట్టు, కొత్తగ వేరే కాపురమెట్టు, నీదేమో నైట్‌ షిఫ్టు, నీ వైఫుది మార్నింగ్‌ షిఫ్టు, వీకెండ్‌ లో రొమాన్స్‌ కు ప్లానింగ్‌ చేసి లెక్కలుగట్టు…’ అంటూ ప్రస్తుత కాలంలో యూత్‌ మ్యారీడ్‌ లైఫ్‌ స్టైల్‌ను చూపిస్తూ సాగుతుందీ పాట.
విక్రాంత్‌, చాందినీ చౌదరి జంటగా నటిస్తున్న ఈ సినిమాను మధుర ఎంటర్‌టైన్‌మెంట్‌, నిర్వి ఆర్ట్స్‌ బ్యానర్స్‌ పై మధుర శ్రీధర్‌ రెడ్డి, నిర్వి హరిప్రసాద్‌ రెడ్డి నిర్మిస్తున్నారు. దర్శకుడు సంజీవ్‌ రెడ్డి రూపొందిస్తున్నారు. రచయిత షేక్‌ దావూద్‌ జి ఈ సినిమాకు స్క్రీన్‌ ప్లే అందించారు. ఈ సినిమా ఈ నెల 14న గ్రాండ్‌ థియేట్రికల్‌ రిలీజ్‌కు రెడీ అవుతోంది.
వెన్నెల కిషోర్‌, తరుణ్‌ భాస్కర్‌, అభినవ్‌ గోమటం, మురళీధర్‌ గౌడ్‌, హర్షవర్థన్‌, బిందు చంద్రమౌళి, జీవన్‌ కుమార్‌, సత్య కష్ణ, తాగుబోతు రమేష్‌, అభరు బేతిగంటి, కిరీటి, అనిల్‌ గీల, సద్దామ్‌, రియాజ్‌ తదితరులు నటిస్తున్న ఈ చిత్రానికి డైరెక్టర్‌ – సంజీవ్‌ రెడ్డి, సినిమాటోగ్రఫీ – మహిరెడ్డి పండుగుల, మ్యూజిక్‌ డైరెక్టర్‌ – సునీల్‌ కశ్యప్‌, డైలాగ్స్‌ – కల్యాణ్‌ రాఘవ్‌, ఎడిటర్‌ – సాయికష్ణ గనల, ప్రొడక్షన్‌ డిజైనర్‌ – శివకుమార్‌ మచ్చ, కొరియోగ్రాఫర్‌ – లక్ష్మణ్‌ కాళహస్తి, ఎగ్జిక్యూటివ్‌ ప్రొడ్యూసర్‌ – ఎ.మధుసూధన్‌ రెడ్డి.