గురుశిష్యుల అహంకార యుద్ధం

దుల్కర్‌ సల్మాన్‌ నటిస్తున్న పీరియాడికల్‌ డ్రామా చిత్రం ‘కాంత’. ఈనెల 14న విడుదల కానుంది. తాజాగా హీరో ప్రభాస్‌ లాంచ్‌ చేసిన ట్రైలర్‌ ఇంటెన్స్‌ ఎమోషనల్‌ సినిమాటిక్‌ ఎక్స్‌పీరియన్స్‌తో అందర్నీ అలరిస్తోంది. ఒక రైజింగ్‌ స్టార్‌, తనకి దారి చూపిన గురువు మధ్య ఉన్న ఎమిషన్‌ని ట్రైలర్‌ ఆసక్తికరంగా ప్రజెంట్‌ చేసింది. ఈ ఇద్దరి డ్రీం ప్రాజెక్ట్‌ ‘శాంత’ దగ్గరకి వచ్చేసరికి ఇగో వార్‌గా మారుతుంది. స్నేహం, ఆశయాల మధ్య నడిచే ఈ సంఘర్షణ ‘కాంత’ కథపై మరింత ఆసక్తిని పెంచింది. దర్శకుడు సెల్వమణి సెల్వరాజ్‌ ఈ కథను ఎమోషన్స్‌ హార్ట్‌ టచ్చింగ్‌ డ్రామాటిక్‌ సన్నివేశాలతో అద్భుతంగా ప్రజెంట్‌ చేశారు. ప్రతి ఫ్రేమ్‌లోనూ క్రియేటివ్‌ విజన్‌ కనిపించింది.

దుల్కర్‌ సల్మాన్‌ తన అద్భుతమైన నటనతో వెర్సటిలిటీని నిరూపించాడు. గుర్తింపు కోసం ఆత్రుతగా ఉన్న కొత్త నటుడి నుంచి, స్టార్‌ డమ్‌కు చేరిన తర్వాత ఈగోని ప్రదర్శించే స్టార్‌గా అతని ట్రాన్స్ఫర్మేషన్‌ ఆసక్తికరంగా ఉంది. సముద్రఖని సహజమైన నటనతో గురువు పాత్రలో ఆకట్టుకున్నారు. భాగ్యశ్రీ బోర్స్‌ కథకు ప్రాణం పోసే పాత్రలో కనిపించారు. రానా దగ్గుబాటి పోలీస్‌ ఆఫీసర్‌గా ఎంట్రీ ఇవ్వడం కథలో కొత్త టెన్షన్‌, బలాన్ని తెచ్చింది. దుల్కర్‌ సల్మాన్‌ ‘వేఫేర్‌ ఫిల్మ్స్‌ ప్రైవేట్‌ లిమిటెడ్‌’, రానా దగ్గుబాటి ‘స్పిరిట్‌ మీడియా’ సంయుక్తంగా నిర్మిస్తున్నారు.