ఔత్సాహిక నటీనటులు, సాంకేతిక నిపుణులకు అండగా నిలబడుతూ హీరో కిరణ్ అబ్బవరం సుమైర స్టూడియోస్తో కలిసి తన కేఏ ప్రొడక్షన్స్ పై నిర్మిస్తున్న సినిమా ‘తిమ్మరాజుపల్లి టీవీ’.
సుమైరా స్టూడియోస్ సహ నిర్మాత. ఈ చిత్రంతో సాయితేజ్, వేద జలంధర్ హీరో, హీరోయిన్స్గా, అలాగే వి.మునిరాజు దర్శకుడిగా పరిచయమవుతున్నారు. విలేజ్ బ్యాక్డ్రాప్లో సాగే పీరియాడిక్ డ్రామాగా రూపొందుతున్న ఈ సినిమా త్వరలోనే గ్రాండ్ థియేట్రికల్ రిలీజ్కు రెడీ అవుతోంది. శనివారం ఈ సినిమా నుంచి ఫస్ట్ సింగిల్ ‘చిన్ని చిన్ని గుండెలోన’ రిలీజ్ చేశారు.
ఆహ్లాదకరమైన పల్లె వాతావరణంలో చిత్రీకరించిన లవ్ సాంగ్ ఇది. ఈ పాటను క్యాచీ ట్యూన్తో వంశీకాంత్ రేఖన కంపోజ్ చేశారు. సనరే లిరిక్స్ రాయగా, మంచి లవ్ ఫీల్తో హరిణి ఇవటూరి, పవన్ కల్యాణ్ పాడారు. ‘చిన్ని చిన్ని గుండెలోన చాలా ప్రేమే దాచిన, దబాయించి దొంగోడా దోచుకుపోలేవా..’ అంటూ ఆకట్టుకునేలా సాగుతుందీ పాట అని చిత్రయూనిట్ తెలిపింది. ప్రదీప్ కొట్టె, స్వాతి కరిమిరెడ్డి, అమ్మ రమేష్, సత్యనారాయణ, లతీష్ తదితరులు నటిస్తున్న ఈచిత్రానికి ఆర్ట్ డైరెక్టర్ – సుధీర్ మాచర్ల, డీవోపీ – అక్షయ్ రామ్ పొదిశెట్టి, మ్యూజిక్ – వంశీకాంత్ రేఖన, రచన, ఎడిటింగ్, దర్శకత్వం – వి. మునిరాజు.
‘చిన్ని చిన్ని గుండెలోన..’
- Advertisement -
- Advertisement -
RELATED ARTICLES



