- – సంతోషం’, ‘మిస్టర్ పర్ఫెక్ట్’ చిత్రాల దర్శకుడు కె. దశరథ్ సమర్పణలో… ‘మ్యాజిక్ మూమెంట్స్’ – వాలెంటైన్స్ డే స్పెషల్ పోస్టర్ విడుదల
- నవతెలంగాణ – హైదరాబాద్: ప్రేమికుల రోజు (వాలెంటైన్స్ డే) పురస్కరించుకుని, శ్రీ లక్ష్మీ శ్రీనివాస ఫిల్మ్స్ బ్యానర్పై రూపొందుతున్న నూతన చిత్రం ‘మ్యాజిక్ మూమెంట్స్’ (Magic Moments) .
- తల్లాడ సాయి కృష్ణ, ఏకదంతాయ సిరి జంటగ నటిస్తున్న ఈ సినిమా నుంచి ఒక ప్రత్యేకమైన, రొమాంటిక్ పోస్టర్ను చిత్ర యూనిట్ విడుదల చేసింది. వాలెంటైన్స్ డే సందర్భంగా విడుదల చేసిన ఈ పోస్టర్ యూత్ ఆడియెన్స్ను విశేషంగా ఆకట్టుకుంటోంది. ఇందులో హీరోయిన్ అలిగి పక్కకు చూస్తుండగా, హీరో ఆమె చేయి పట్టుకుని ప్రేమగా బతిమిలాడుతున్న (Requesting) దృశ్యం చాలా సహజంగా, క్యూట్గా ఉంది. ప్రతి ప్రేమకథలోనూ ఉండే ఈ “మ్యాజిక్ మూమెంట్”ను పోస్టర్ ద్వారా చాలా అందంగా చూపించారు.
‘సంతోషం’, ‘మిస్టర్ పర్ఫెక్ట్’ వంటి సూపర్ హిట్ కుటుంబ కథా చిత్రాలతో ప్రేక్షకుల హృదయాల్లో చెరగని ముద్ర వేసిన ప్రముఖ దర్శకుడు కె. దశరథ్ గారు ఈ చిత్రాన్ని సమర్పిస్తుండటం విశేషం. తల్లాడ సాయి కృష్ణ హీరోగా నటిస్తూ దర్శకత్వం వహిస్తున్న ఈ చిత్రంలో ఏకదంతాయ సిరి హీరోయిన్గా నటిస్తున్నారు. లవ్ అండ్ యూత్ ఫుల్ ఎంటర్టైనర్ గా తెరకెక్కుతున్న ఈ సినిమాకి “మీరు అనుకున్నది కాదు” అనే ఆసక్తికరమైన ఉపశీర్షిక (Tagline) ను నిర్ణయించారు.
ఈ సందర్భంగా చిత్ర సమర్పకులు కె. దశరథ్ మాట్లాడుతూ.. “నేను ఎప్పుడూ మంచి కథలను ప్రోత్సహించడానికి ముందుంటాను. సాయి కృష్ణ చెప్పిన కథ చాలా కొత్తగా, ఆసక్తికరంగా అనిపించింది. హీరోగా, దర్శకుడిగా తను ఈ కథను డీల్ చేసిన విధానం బాగుంది. అందుకే ఈ చిత్రాన్ని సమర్పించడానికి ముందుకొచ్చాను. వాలెంటైన్స్ డే సందర్భంగా విడుదల చేసిన ఈ పోస్టర్ అందరినీ ఆకట్టుకుంటుంది,” అని తెలిపారు.
నిర్మాత తల్లాడ శ్రీనివాస్ మాట్లాడుతూ.. “దశరథ్ గారి లాంటి అభిరుచి గల దర్శకుడు మా సినిమాను సమర్పిస్తుండటం మాకు చాలా గర్వంగా ఉంది. సాయి కృష్ణ, సిరి జంట చాలా ఫ్రెష్ గా ఉంటుంది. సినిమాకి సంబంధించిన మరిన్ని వివరాలు త్వరలో తెలియజేస్తాము,” అని పేర్కొన్నారు.
సహ నిర్మాత వెంకట్ దుగ్గిరెడ్డి మాట్లాడుతూ.. “ఈ ప్రాజెక్ట్ లో భాగం కావడం చాలా సంతోషంగా ఉంది. దర్శకుడు సాయి కృష్ణ గారు అనుకున్న కథను, అంతకు మించి అద్భుతంగా తెరకెక్కించారు. దశరథ్ గారి సహకారం మాకు ఎంతో బలాన్ని ఇచ్చింది. సినిమా అవుట్పుట్ చాలా బాగా వచ్చింది. యూత్ తో పాటు ఫ్యామిలీ ఆడియెన్స్ కి కూడా నచ్చే చిత్రమిది. అందరికీ వాలెంటైన్స్ డే శుభాకాంక్షలు,” అని అన్నారు.
తారాగణం: తల్లాడ సాయి కృష్ణ, ఏకదంతాయ సిరి తదితరులు.
సాంకేతిక నిపుణులు:
బ్యానర్: శ్రీ లక్ష్మీ శ్రీనివాస ఫిల్మ్స్
సమర్పణ: కె. దశరథ్ (సంతోషం, మిస్టర్ పర్ఫెక్ట్ చిత్రాల దర్శకుడు)
కథ, స్క్రీన్ ప్లే, దర్శకత్వం: తల్లాడ సాయి కృష్ణ
నిర్మాత: తల్లాడ శ్రీనివాస్
సహ నిర్మాత: వెంకట్ దుగ్గిరెడ్డి
సంగీతం: లలిత్ కిరణ్
డి.ఓ.పి: శివ రాథోడ్
ఎడిటర్: కె. సాయి కిషోర్
పి.ఆర్.ఓ: సతీష్ కొట్టంగి
పబ్లిసిటీ డిజైనర్: దేవ్ భీమ్, మోహన్
