కో-లివింగ్ హాస్టల్‌లో భారీ అగ్నిప్రమాదం

నవతెలంగాణ – హైదరాబాద్ : హైదరాబాద్‌లో ఇటీవల పలు ప్రాంతాల్లో వరుస అగ్నిప్రమాదాలు చోటుచేసుకున్నాయి. తాజాగా మియాపూర్‌ హఫీజ్‌పేట్ మార్తాండ నగర్‌లో ఉన్న ఒక కో-లివింగ్ హాస్టల్‌లో కూడా అగ్నిప్రమాదం సంభవించింది. సమాచారం మేరకు ఘటనాస్థలానికి చేరుకున్న అగ్నిమాపక సిబ్బంది మంటలను అదుపులోకి తెచ్చారు. ప్రమాద సమయంలో హాస్టల్‌లో ఉన్న నివాసితులు సమయానికి అప్రమత్తమై బయటకు రావడంతో పెను ప్రమాదం తప్పింది.