ఇండియన్‌ నేషనల్‌ కార్‌ రేసింగ్‌ వచ్చేసింది

– టైటిల్‌ కోసం నాలుగు అంచెల్లో పోటీ
చెన్నై (తమిళనాడు) : ఎఫ్‌ఎంఎస్‌సిఐ ఇండియన్‌ నేషనల్‌ కార్‌ రేసింగ్‌ చాంపియన్‌షిప్‌ 2026 షెడ్యూల్‌ వచ్చేసింది. బుధవారం చెన్నైలో జరిగిన కార్యక్రమంలో తమిళనాడు మంత్రి శ్రీనాధ్‌, ఎఫ్‌ఐఏ వరల్డ్‌ మోటార్‌ స్పోర్ట్స్‌ కౌన్సిల్‌ సభ్యుడు అక్బర్‌ ఇబ్రహీం, ఫెడరేషన్‌ ఆఫ్‌ మోటార్‌ స్పోర్ట్స్‌ క్లబ్స్‌ ఆఫ్‌ ఇండియా (ఎఫ్‌ఎంఎస్‌సీఐ) అధ్యక్షుడు అరిందమ్‌ ఘోష్‌, ప్రాంఛైజీల ప్రతినిధులు షెడ్యూల్‌ను విడుదల చేశాడు. ఇండియన్‌ రేసింగ్‌ లీగ్‌ (ఐఆర్‌ఎల్‌), ఫార్ములా 4 ఇండియన్‌ చాంపియన్‌షిప్‌ పోటీలు దీనికి సమాంతరంగా సాగనున్నాయి. తొలి రౌండ్‌ పోటీలు కొయంబతూర్‌లో సెప్టెంబర్‌ 11-13న, రెండో రౌండ్‌ పోటీలు సైతం అక్కడే అక్టోబర్‌ 23-25న జరుగనున్నాయి. బెంగళూరులో నవంబర్‌ 13-15న మూడో రౌండ్‌ పోటీలు, ఫైనల్స్‌ చెన్నైలో డిసెంబర్‌ 11-13న జరుగుతాయి.