హీరో నాగ చైతన్య ‘తండేల్‌’ సంచలన విజయం తర్వాత మరో బిగ్గెస్ట్‌ ప్రాజెక్ట్‌తో ప్రేక్షకుల ముందుకు వస్తున్నారు. తన తొలి సూపర్‌ నేచురల్‌ థ్రిల్లర్‌ ‘విరూపాక్ష’తో ప్రేక్షకులను మంత్రముగ్ధులను చేసిన దర్శకుడు కార్తీక్‌ దండుతో నాగచైతన్య ఈ ప్రాజెక్ట్‌ చేస్తున్నారు. వీరిద్దరూ కలసి నెవర్‌ బిఫోర్‌ మిథికల్‌ థ్రిల్లర్‌ని చేయబోతున్నారు. ఈ చిత్రాన్ని శ్రీ వెంకటేశ్వర సినీ చిత్ర ఎల్‌ఎల్‌పి, సుకుమార్‌ రైటింగ్స్‌ బ్యానర్స్‌ పై బీవీఎస్‌ఎన్‌ ప్రసాద్‌, సుకుమార్‌ నిర్మిస్తున్నారు. బాపినీడు సమర్పిస్తున్నారు.
ఈ ప్రాజెక్ట్‌ను ప్రారంభించడానికి తెర వెనుక ఉన్న రేర్‌ సీన్స్‌ని ప్రజెంట్‌ చేస్తూ ‘ఎన్‌సి 24 – ది ఎక్స్‌కవేషన్‌ బిగిన్స్‌’ ఎలక్ట్రిఫైయింగ్‌ స్పెషల్‌ వీడియోను మేకర్స్‌ విడుదల చేశారు. సంవత్సరాల తరబడి ఆలోచనల, నెలల తరబడి ఇంటెన్స్‌ ప్రీ-ప్రొడక్షన్‌, రోజుల తరబడి కఠినమైన రిహార్సల్స్‌ వరకు ఈ సినిమాటిక్‌ వండర్‌కు ప్రాణం పోసే హార్డ్‌వర్క్‌ని ఈ వీడియో ప్రజెంట్‌ చేసింది. నాగ చైతన్య తన పాత్ర కోసం ఫిజికల్‌గా, మెంటల్‌గా కంప్లీట్‌ ట్రాన్స్‌ ఫర్మేషన్‌ అయ్యారు. ఈ వీడియోలో గూస్‌బంప్స్‌ ఇచ్చే సీన్స్‌ ఉన్నాయి. సినిమా టైటిల్‌, మిగిలిన నటీనటుల గురించి మరిన్ని వివరాలను త్వరలో మేకర్స్‌ అనౌన్స్‌ చేస్తారు. ఈ చిత్రానికి దర్శకత్వం: కార్తీక్‌ దండు, నిర్మాత: బీవీఎస్‌ఎన్‌ ప్రసాద్‌, సుకుమార్‌, సమర్పణ: బాపినీడు, సంగీతం: అజనీష్‌ బి లోక్‌నాథ్‌, సినిమాటోగ్రాఫర్‌: నీల్‌ డి కున్హా, ప్రొడక్షన్‌ డిజైనర్‌: శ్రీ నాగేంద్ర తంగాల, ఎడిటర్‌: నవీన్‌ నూలి.
వినూత్న కాన్సెప్ట్‌తో..
- Advertisement -
Previous article![]( "థ్రిల్లింగ్‌ ఎక్స్‌పీరియన్స్‌ ఇచ్చే చిత్రం")
Next article![]( "విద్యార్థి ‘వీసా’లపై వెనక్కి తగ్గిన ట్రంప్‌")
RELATED ARTICLES
