విష్ణు మంచు నటించిన పాన్‌ ఇండియా ప్రాజెక్ట్‌ ‘కన్నప్ప’. శుక్రవారం రిలీజ్‌ అయిన ఈ చిత్రానికి మంచి స్పందన లభించింది. అవా ఎంటర్టైన్మెంట్‌, 24 ఫ్రేమ్స్‌ ఫ్యాక్టరీ బ్యానర్ల మీద మోహన్‌ బాబు నిర్మించిన ఈ చిత్రానికి ముఖేష్‌ కుమార్‌ సింగ్‌ దర్శకత్వం వహించారు. అక్షరు కుమార్‌, మోహన్‌లాల్‌, ప్రభాస్‌ వంటి భారీ తారాగణం నటించిన ఈ చిత్రం థియేటర్లలో విజయ వంతంగా రన్‌ అవుతున్న సందర్భంగా శనివారం చిత్రయూనిట్‌ థ్యాంక్స్‌ మీట్‌ నిర్వహించింది. మోహన్‌బాబు మాట్లాడుతూ, ‘ఆ భగవంతుడు ఆశీస్సులతోనే ఈ చిత్రానికి ఇంత గొప్ప విజయం దక్కింది. మా టైంలో ఓ సినిమాకు ఇన్ని సభలు పెట్టేవాళ్లం కాదు. నటుడిగా 50 ఏళ్లు అవుతోంది. అప్పటి నుంచి ఇప్పటి వరకు నా అభిమానులు నా వెన్నంటే ఉండి నన్ను ముందుకు నడిపిస్తున్నారు. వారికి నేను ఎప్పటికీ రుణపడి ఉంటాను. ‘కన్నప్ప’ సక్సెస్‌ తరువాత వాళ్లంతా ఫోన్లు చేసి అభినందనలు తెలియజేస్తున్నారు. వారి ప్రేమకు నేను తిరిగి ఏం ఇవ్వగలను?. ఈ చిత్రం కోసం అందరూ ప్రాణం పెట్టి పని చేశారు. అందరికీ హదయ పూర్వక అభినందనలు. అందరి ప్రోత్సాహం ఉండబట్టే ఇక్కడి వరకు రాగలిగాం. వినరు లేకపోతే.. కన్నప్ప చిత్రం ఉండేది కాదు’ అని అన్నారు.
‘మాలాంటి ఆర్టిస్టులకు ప్రేక్షకులే దేవుళ్లు. వారి ఆదరణ, ప్రేమతోనే మేం ఈ స్థాయికి వస్తాం. ‘కన్నప్ప’కు అద్భుతమైన స్పందన వస్తోంది. ఇదంతా శివలీల. ‘కన్నప్ప’ను ఇంత గొప్ప సక్సెస్‌ చేసిన ఆడియెన్స్‌కు థాంక్స్‌’ అని విష్ణు అన్నారు. ముఖేష్‌ కుమార్‌ సింగ్‌ మాట్లాడుతూ, ‘ఈ సినిమా మీద అందరూ ప్రేమను కురిపిస్తున్నారు. ఇంకా సినిమాను చూడాల్సినవాళ్లు చాలా మంది ఉన్నారు. అందరూ ఈ మూవీని చూడండి. మోహన్‌ బాబు, విష్ణు పదేళ్లుగా ఈ సినిమా కోసం కష్టపడుతూ వచ్చారు. ప్రతీ ఒక్కరూ ప్రాణం పెట్టి ఈ మూవీకి పని చేశారు’ అని అన్నారు.
