ఎక్కడో ఆకాశం లో వుండే
చంద్రుడు
నాకు మామేట్లా అవుతాడు
మా అమ్మకు తోడబుట్టిన వాడా
నాకు పిల్లనిచ్చిన వాడా
బైరూపులోడు
రోజుకోతీరు కనిపిస్తాడు
చంద్రవంకలా ఒక రోజుంటే
చంద్రబింబమై మరొక రోజుంటాడు
ఒకరోజు పాపం
మామను అమావాస్య కమ్మేస్తే
మరో పూట పున్నమి వికసింప చేస్తుంది
మా మామా అల్లుండ్లది
రక్త సంబధమో ఆత్మ సంబంధమో
ఆకాశంలోంచి చందమామ
నా కంటి చూపును వెలిగిస్తాడు
దేహమంతా వ్యాపిస్తాడు
మనసంతా వెన్నెల పరిచేస్తాడు
– వారాల ఆనంద్
