‘ఏదోటి చేరు..గుర్రం పాపిరెడ్డి’

నరేష్‌ అగస్త్య, ఫరియా అబ్దుల్లా జంటగా నటిస్తున్న సినిమా ‘గుర్రం పాపిరెడ్డి’. ఈ చిత్రాన్ని డా.సంధ్య గోలీ సమర్పణలో ప్రొడ్యూసర్స్‌ వేణు సద్ది, అమర్‌ బురా, జయకాంత్‌ (బాబీ) నిర్మిస్తున్నారు. డార్క్‌ కామెడీ కథతో దర్శకుడు మురళీ మనోహర్‌ రూపొందిస్తున్నారు. త్వరలో ఈ సినిమా ప్రేక్షకుల ముందుకు వచ్చేందుకు సిద్ధమవుతోంది. తాజాగా ఈ సినిమా నుంచి ‘ఏదోటి చేరు గుర్రం పాపిరెడ్డి..’ లిరికల్‌ సాంగ్‌ను మేకర్స్‌ రిలీజ్‌ చేశారు.
ఈ పాటకు సురేష్‌ గంగుల క్యాచీ లిరిక్స్‌ అందించగా, లక్ష్మి మేఘన, ఎంసీ చేతన్‌ ఎనర్జిటిక్‌గా పాడారు. కష్ణ సౌరభ్‌ ఆకట్టుకునే ట్యూన్‌తో కంపోజ్‌ చేశారు. ‘ఏదోటి చేరు గుర్రం పాపిరెడ్డి, ఏరు దాటివేరు, ఏదోటి చేరు గుర్రం పాపిరెడ్డి, ఓ రూటు వేరు గుర్రం పాపిరెడ్డి, ఏక్‌ మార్‌ 1234 తుక్కడ, నింగినుంచి ఊడిపడ్డ వాడు ఎవ్వడు ఇక్కడ, మంకీ నుంచి వచ్చిన వాళ్లే కదా అందరు ఇక్కడ, నీరసించి నీరుగారి ఉండిపోకు ఎక్కడ..’ అంటూ మంచి బీట్‌తో పాటు ర్యాప్‌ స్టైల్లో సాగుతుందీ పాట అని చిత్ర యూనిట్‌ తెలిపింది.
బ్రహ్మానందం, యోగి బాబు, ప్రభాస్‌ శ్రీను, రాజ్‌ కుమార్‌ కసిరెడ్డి, జీవన్‌ కుమార్‌, వంశీధర్‌ కోసిగి, జాన్‌ విజరు, మొట్ట రాజేంద్రన్‌ తదితరులు నటించిన ఈచిత్రానికి డీవోపీ – అర్జున్‌ రాజా, మ్యూజిక్‌ – కష్ణ సౌరభ్‌, సమర్పణ – డా. సంధ్య గోలీ, నిర్మాతలు – వేణు సద్ది, అమర్‌ బురా, జయకాంత్‌ (బాబీ), రచన, దర్శకత్వం – మురళీ మనోహర్‌.