ప్రియుడి కోసం కన్నవారినే చంపిన యువతి..బెయిల్ పై వచ్చి హాస్టల్లో దారుణం

నవతెలంగాణ -మెదక్ ప్రాంతీయ ప్రతినిధి : అయితే ఈ కేసులో నిందితురాలైన సురేఖ (25) తాజాగా జైలు నుంచి విడుదలై మళ్లీ అదే మత్తు మందు ఇంజక్షన్ సొంతంగా ఇచ్చుకొని ఆత్మహత్య చేసుకుంది. ఈ సంఘటన సంగారెడ్డి పట్టణంలో ఆదివారం సాయంత్రం చోటు చేసుకుంది.
చేసిన పాపానికి కుమిలిపోయి ఆత్మహత్య..
వికారాబాద్ జిల్లా బట్వారం మండలం యాచారం గ్రామానికి చెందిన నక్కల సురేఖ(25) ఎన్ఐటి చేసి గత కొద్ది నెలలుగా సంగారెడ్డి పట్టణంలోని ఓ ప్రైవేటు ఆసుపత్రిలో నర్సుగా పని చేస్తుంది. అయితే గత జనవరి 2026న తన ప్రేమ వివాహానికి తల్లిదండ్రులు నిరాకరించడంతో కన్న తల్లిదండ్రులైన లక్ష్మీ, దశరథంలను ఆమె మత్తు ఇంజెక్షన్ ఇచ్చి చంపేసింది. ఈ కేసులో ఆమె నిందితురాలిగా తేలింది. దీంతో కోర్టు ఆమెకు శిక్ష విధిస్తూ చంచల్ గూడ జైలుకు తరలించారు.
కాగా, జైలు నుంచి ఈ జూలై 31న ఆమె బెయిల్ పై విడుదలయింది. అయితే సొంత ఊరికి వెళితే ఊర్లో మొహం చూపించుకునే పరిస్థితి లేకపోవడంతో ఆమె తిరిగి సంగారెడ్డి పట్టణంలో ఓ ప్రైవేటు హాస్టల్ లో ఉంటూ ఉద్యోగం కోసం వెతుకుతోంది. ఇదే తరుణంలో ఈ నెల 23న సాయంత్రం 6.30 ప్రాంతంలో మత్తు మందు ఇంజెక్షన్ ఇచ్చుకొని ఆత్మహత్యకు పాల్పడింది.
మృతురాలు సురేఖ సోదరుడు అశోక్ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పట్టణ సీఐ రాము నాయుడు తెలిపారు.