నవతెలంగాణ-బాన్సువాడ (నసురుల్లాబాద్)బాన్సువాడ మండల కేంద్రంలో బినామీ ఫార్మసీ పత్రాలతో మెడికల్ షాపులు నిర్వహిస్తున్నారని కన్జ్యూమర్ రైట్ ప్రొటెక్షన్ ఫోరం బాన్సువాడ డివిజన్ ఇన్ ఛార్జ్ మేకల సాయిలు బాన్సువాడ సబ్ కలెక్టర్ కార్యాలయంలో ఫిర్యాదు చేశారు. ఈ సందర్భంగా సాయిలు మాట్లాడుతూ డ్రగ్ కంట్రోల్ ఆఫ్ తెలంగాణ, డ్రగ్ కంట్రోల్ ఆఫ్ ఇండియా నిర్ధారించిన అర్హత ప్రమాణాలకు విరుద్ధంగా మెడికల్ షాపులు నిర్వహిస్తున్న వారిపై వెంటనే చర్యలు తీసుకోవాలని సబ్ కలెక్టర్ కార్యాలయంలో సూపరింటెండెంట్కు ఆయన ఫిర్యాదు చేశారు.
