అన్నారంలో కాంగ్రెస్ ఇంటింటి ప్రచారం

నవ తెలంగాణ- రామారెడ్డి:  మండలంలో అన్నారం గ్రామంలో కాంగ్రెస్ సీనియర్ నాయకులు ఎండి సల్మాన్ ఆధ్వర్యంలో గురువారం ఇంటింటి ప్రచారాన్ని నిర్వహించారు. ఈ సందర్భంగా సల్మాన్ మాట్లాడుతూ.. తెలంగాణ ఏర్పడిన తర్వాత ఎలాంటి అభివృద్ధి జరగలేదని, బీఆర్‌ఎస్‌ నాయకుల అభివృద్ధి మాత్రమే జరిగిందని, కాంగ్రెస్ ప్రభుత్వ హయాంలో, మహమ్మద్ షబ్బీర్ అలీ అనేక అభివృద్ధి కార్యక్రమాలు చేశారని, ఆ అభివృద్ధి ఇప్పుడు కనిపిస్తుందని, కాంగ్రెస్ ఇస్తున్న ఆరు గ్యారంటీలు ప్రజలకు ఎంతగానో ఉపయోగపడుతుందని, పేద బడుగు బలహీన వర్గాలకు కాంగ్రెస్ పార్టీ పుట్టినిల్లని అన్నారు. కార్యక్రమంలో దయానంద్, నర్సింగరావు, కూడెల్లి ఎల్లం, శ్రీను, గోనె దేవరాజు, బాలచంద్రం తదితరులు పాల్గొన్నారు.