రెండో రోజు సీపీఐ(ఎం) బస్తీబాట

నవతెలంగాణ – హైదరాబాద్: సీపీఐ(ఎం) గ్రేటర్ హైదరాబాద్ సెంట్రల్ సిటీ కమిటీ ఆధ్వర్యంలో జరుగుతున్న బస్తీబాట 2వ రోజు ముషీరాబాద్ జోన్ కవాడిగూడ డివిజన్ లోని మైసమ్మ బండ బస్తీలో స్థానిక సమస్యలపై సర్వే నిర్వహించారు. ఈ బస్తీలో ఇండ్ల పట్టాలు, మంచినీటి కాలుష్యం, లో ప్రెషర్, మ్యాన్ హోల్స్ నిండిపోవడం, దోమలు, రోడ్డు, వీధి దీపాలు సమస్యలు ఉన్నాయి. చాలా మంది ప్రజలు 0 కరెంట్ బిల్ రావడం లేదని, రూ 500 గ్యాస్ సిలిండర్ రావడం లేదని, పెన్షన్ పెంచలేదని ఆవేదన వ్యక్తం చేశారు. ఈ బస్తీ బాట కార్యక్రమంలో సీపీఐ(ఎం) కేంద్ర కమిటీ సభ్యులు కామ్రేడ్ T. జ్యోతి, నగర కార్యదర్శి M. వెంకటేష్, కార్యదర్శి వర్గ సభ్యులు ఎం. శ్రీనివాసరావు, ఎం. దశరథ్, ముషీరాబాద్ జోన్ కార్యదర్శి R. వెంకటేష్ తదితరులు పాల్గొన్నారు.