ఐటీ, మీడియా, ఫార్మా వంటి సంస్థల్లో ఉద్యోగులకు.. ఒకే షిఫ్టుకు పరిమితం కాకుండా వేర్వేరు షిఫ్టుల్లో పనిచేయాల్సి వస్తోంది. కొంతమంది రోజుల తరబడి నైట్‌షిఫ్టులకే అంకితమైపోతుంటారు. నైట్‌షిప్టుల కారణంగా ఆరోగ్యంపై తీవ్ర ప్రతికూల ప్రభావం పడుతుందంటున్నారు నిపుణులు. రాత్రిపూట పని చేసేవారికి.. డయాబెటిస్‌, అధిక బరువు, జీర్ణకోశ సమస్యలు, హార్మోన్ల అసమతుల్యత, జీవక్రియ సమస్యలు వచ్చే ముప్పు ఎక్కువగా ఉంటుందని అధ్యయనాలు స్పష్టం చేస్తున్నాయి. అయితే, షిఫ్ట్‌ ప్రకారం పనిచేసే వారికి.. ఛాయిస్‌ ఉండకపోవచ్చు. వారి ఉద్యోగ పరిస్థితుల ప్రకారం పనిచేయాల్సి ఉంటుంది. నైట్‌షిప్ట్‌లో పని చేసే వారు.. ప్రతికూల ప్రభావాలను తగ్గించుకోవడానికి కొన్ని జాగ్రత్తలు తీసుకోవాలని నిపుణులు సూచిస్తున్నారు.
ఇవి తింటే మంచిది..
నైట్‌షిఫ్ట్‌కు వెళ్లే ముందు రాగి రొట్టె, జొన్న రొట్టె, మిల్లెట్‌ జావ, రాగి జావ తీసుకోవాలని నిపుణులు సూచిస్తున్నారు. చిరుధాన్యాలలో విటమిన్‌ బి12, బి6 , కార్బోహైడ్రేట్స్‌, ప్రోటిన్‌, ఫైబర్‌, యాంటీఆక్సిడెంట్స్‌, జింక్‌, ఐరన్‌ వంటి పోషకాలు సమద్ధిగా ఉంటాయి. మాంసాహారంతో పోలిస్తే చిరుధాన్యాల్లో ప్రోటిన్‌ ఎక్కువగా ఉంటుందని చెబుతున్నారు. మిల్లెట్స్‌లో జింక్‌, ఫైబర్‌, ప్రొటీన్‌ పుష్కలంగా ఉంటాయి.. ఇవి మీ కడుపును సంతప్తిగా ఉంచుతాయి. చిరుతిళ్లు తినాలనే కోరిక తగ్గుతుంది. నైట్‌షిఫ్ట్‌లో ఫుడ్‌ క్రేవింగ్స్‌ ఎక్కువగా ఉంటాయి. మిల్లెట్స్‌ తీసుకుంటే.. తినాలనే కోరిక తగ్గుతుంది, శక్తి స్థాయిలను పెంచుతాయి. ఇవి బరువును కూడా కంట్రోల్‌లో ఉంచుతాయి.
హైడ్రేట్‌గా ఉండండి..
నైట్‌ షిఫ్ట్‌ చేసే వారు హైడ్రేటెడ్‌గా ఉండాలని నిపుణులు సూచిస్తున్నారు. రాత్రి పూట నిద్ర రాకుండా చాలా మంది కాఫీ, టీలు ఎక్కువగా తాగుతూ ఉంటారు. ఇవి ఆరోగ్యంపై చెడు ప్రభావం చూపుతాయి. వీటికి బదులుగా… మజ్జిగా, సోంపు నీరు, నీరు తాగడం మంచిది. ఇవి మీ జీర్ణవ్యవస్థను ఆరోగ్యంగా ఉంచుతాయి. కడుపు ఉబ్బరం, ఎసిడిటీ, తలనొప్పి, వికారం, చిరాకు వంటి సమస్యలను నివారించడంలో సహాయపడతాయి.
ఈ జాగ్రత్తలు పాటించండి..
ఎముకలు ధడంగా ఉండటంలో విటమిన్‌ డి కీలకపాత్ర పోషిస్తుంది. నైట్‌ షిఫ్టులలో పనిచేసేవారిలో విటమిన్‌ డి లోపానికి గురయ్యే అవకాశం ఉంది. రోజూ ఉదయం శరీరానికి సూర్యరశ్మి తగిలేలా కాసేపు ఎండలో నడవండి.
నైట్‌ షిప్టుల్లో పనిచేసే వారు ముందుగా పగటి పూట నిద్ర పోవడానికి ఒక సమయాన్ని కేటాయించుకోవాలి. రోజూ అదే సమయానికి నిద్రపోవడం వల్ల ఆరోగ్యాన్ని కాపాడుకోవచ్చు.
