నవతెలంగాణ – కోహెడమండల కేంద్రంలోని అంబేద్కర్‌ చౌరస్తా వద్ద మాజీ ఎమ్మెల్యే బొమ్మ వెంకన్న వర్ధంతి వేడుకలను మండల కాంగ్రెస్‌ పార్టీ నాయకుల ఆధ్వర్యంలో సోమవారం ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులు అర్పించారు. అనంతరం వారు మాట్లాడుతూ నియోజకవర్గ ఎమ్మెల్యేగా ఎనలేని సేవలు చేసి, ఈ ప్రాంత ప్రజలలో చెరగని ముద్ర వేశారన్నారు. ఈ కార్యక్రమంలో కాంగ్రెస్‌ పార్టీ ఉమ్మడి కరీంనగర్‌ జిల్లా ఉపాధ్యాక్షుడు బస్వరాజు శంకర్‌, ఎస్సీ సెల్‌ ఉపాధ్యాక్షుడు గూడ స్వామి, కూరెళ్ళ గ్రామశాఖ అధ్యక్షుడు బండారి రవి, గాజుల వెంకటేశ్వర్లు, మంద కిష్టయ్య, మాజీ సర్పంచ్‌ మల్లారెడ్డి, తదితరులు పాల్గొన్నారు.
