విదేశాల్లో ఉద్యోగాల పేరుతో గల్ఫ్‌ ఏజెంట్‌ మోసం..

కోనరావుపేట మండలం, కొండాపూర్ గ్రామానికి చెందిన మల్యాల దుగయ్య అనే వ్యక్తి ని ఉపాధి నిమిత్తం ఉక్రెయిన్ దేశానికి పంపిస్తా అని మోసం చేసిన నకిలీ గల్ఫ్ ఏజెంట్ అరెస్ట్ చేసి రిమాండ్ కి తరలించినట్లు వేములవాడ పట్టణ సీఐ కరుణాకర్ వెల్లడించారు. ఈ సందర్భంగా సి.ఐ మాట్లాడుతూ… బోయిన్పల్లి మండల కేంద్రానికి చెందిన  పెగ్గెర్ల చంద్రశేఖర్ అనే  వ్యక్తి ఎటువంటి అనుమతి లేకుండా వేములవాడ పరిధిలోని  కోనాయిపల్లి గ్రామంలో ఆఫీస్ పెట్టుకొని ఉపాధి, ఉద్యోగాల నిమిత్తం గల్ఫ్ దేశాలకు పంపుతానాని అమాయక ప్రజల వద్ద అధిక మొత్తంలో డబ్బులు తీసుకొని వారిని గల్ఫ్ దేశాలకు పంపకుండా మోసాలకు పాల్పడుతున్నాడని. కొనరావుపేట మండలం కొండాపూర్ గ్రామానికి చెందిన మల్యాల దుగయ్య అనే వ్యక్తి ఇచ్చిన ఫిర్యాదు మేరకు కేసు నమోదు చేసుకుని విచారణ చేపట్టగా గల్ఫ్ ఏజెంటును బుధవారం అదుపులోకి తీసుకోవడం జరిగిందని సీఐ తెలిపారు.  ఉపాధి నిమిత్తం ఉక్రెయిన్ దేశానికి పంపిస్తా అని నెలకు లక్ష జీతం అని నమ్మించగా ఉక్రెయిన్ దేశానికి పంపించడానికి 2,75,000/- రూపాయలు ఖర్చు అవుతుందని అవి కట్టిన నెల రోజుల లోపు ఉక్రెయిన్ దేశానికి పంపిస్తా అని చంద్రశేఖర్ దుగ్గయ్యకి ని నమ్మించి దుగ్గయ్య చంద్రశేఖర్ కి 2,75,000/- కట్టగా గత రెండు సంవత్సరాలుగా   నుండి ఉక్రెయిన్ దేశానికి పంపకుండా అడిగిన ప్రతిసారి మాట దాటవేస్తుండగా దుగ్గయ్య మాట వేస్తున్నాడని అన్నారు.  వేములవాడ టౌన్ పోలీస్ లు చీటింగ్, ఇమ్మిగ్రేషన్ ఆక్ట్ లో కేసు నమోదు చేసి నమ్మదగని సమాచారం మేరకు  చంద్రశేఖర్ ని జగత్యాల బస్సు స్టాప్ వద్ద పట్టుకొని అరెస్టు చేసి, రిమాండ్ కు తరలించడం జరిగిందని టౌన్ సి.ఐ కరుణాకర్ తెలిపారు.

నకిలీ గల్ఫ్ ఏజెంట్లను నమ్మి మోసపోవద్దు: నకిలీ గల్ఫ్ ఏజెంట్ల మోసాలను అరికట్టేందుకు, కట్టడి చేసేందుకు జిల్లా పోలీస్ శాఖ తరపున అవసరమైన చర్యలు తీసుకుంటున్నామని, గ్రామీణ ప్రాంతాల నుండి గల్ఫ్ కు ఉపాధి నిమిత్తం వెళ్ళేవారు ప్రభుత్వ గుర్తింపు ఉన్న ఏజెంట్లను సంప్రదించి, ఉపాధి అవకాశాలను పొందాలని పేర్కొన్నారు. జిల్లాలో ఇప్పటివరకు గల్ఫ్ ఏజెంట్ల చేతిలో మోసపోయిన బాధితులు,నకిలీ గల్ఫ్ ఏజెంట్ల సమాచారం ఉన్న  వారు స్పెషల్ బ్రాంచ్ సి.ఐ ఫోన్ నెంబర్ కు 8712656411 అనే నెంబర్ ద్వారా సంప్రదించి పూర్తి వివరాలు తెలియజేయాలని సూచించారు. అంతే కాకుండా ఉపాధి,ఉద్యోగాల కోసం విదేశాలకు వెళ్ళేవారు జిల్లాలోని ఏజెంట్లను సంప్రదించే ముందు వారికి సంబంధించిన పూర్తి వివరాలు ప్రభుత్వ ఏజెంట లేదా నకిలీ ఏజెంట అతని మీద ఎలాంటి కేసులు ఉన్నాయా మొదలగు సమాచారం ఈ నెంబర్ ద్వారా తెలులుకోవచ్చు అని అన్నారు.