ఎందులో తక్కువని తోచేయాలి
దేనిలో రాణించలేదని మరచిపోవాలి
అమ్మగా సృష్టికి లాలపోసి పెంచావు
మహాశక్తిగా లోకాన్ని పరిపాలించావు
కరుణామూర్తిగా ప్రేమను పంచావు
సహనానికి మారుపేరై నిలబడ్డావు
గుణంలో మేటితనానికి ఆజ్యమైనావు
సుగుణంలో తరతరాలకు వెలుగైనావు
అంతరిక్షాన్ని సైతం అధిరోహించావు
కళారత్నమై కూచిపూడి నాట్యమైనావు
స్వరవాణిలో సరస్వతి పలుకైనావు
ఆలిగా తోడుగా నీడలా అడుగులేసావు
పురిటి నొప్పుల్ని పుణీతంలా భరించావు
కూతురిలా మమకారమై పూసావు
కోడలిగా నట్టింటిని పావనం చేసావు
పైలెట్‌లా మారి ఆకాశాన్ని చుట్టేసావు
యుద్ధభూమిలో శత్రువుల్ని జయించావు
సేవలో మానవత్వాన్ని బతికించావు
రాజ్యాధికార అధిపతివై రాణివైనావు
వీరమాతగా కీర్తికి కిరీటం తొడిగినావు
కవుల చేతి కలంలో వర్ణనై వికసించావు
క్రీడల్లో ఖండాలను దాటెళ్లిపోయావు
కర్షక లోకంలో మహిళా రైతువైనావు
సాంకేతిక రంగాల్లో స్పూర్తివై నిలబడ్డావు
చేనేతల అల్లికల్లో వేకువ పొద్దయి పొడిచావు
పట్టు వస్త్రాల్లో పల్లెపట్టువైనావు
వాహనాలను బతుకు దారిలో నడిపావు
పరాశక్తిగా లోకాన్నే ఏలినావు
తిరుగులేని ప్రతిభకు మూలమైనావు
ఎదురులేని మనిషిగా ఎదిగిపోయావు
భూమి ఆకాశాలకు వారధివైనావు
త్రిలోకాలకు త్రికరణశుద్ధిగా మెలిగావు
నువ్వు అబలవి కాదు సబలవి
అన్నింటిలో మేటితనానికి ప్రతీకవి
(మార్చి 8 అంతర్జాతీయ మహిళా దినోత్సవం)
– నరెద్దుల రాజారెడ్డి,
9666016636
