మన ప్రపంచంలోని కొత్త కోణాన్ని చూపించే ‘ది ఫర్దర్’

5 చిత్రాలతో ప్రపంచవ్యాప్తంగా బాక్సాఫీస్ వద్ద 740 మిలియన్‌ డాలర్లకు పైగా సంపాదించిన ‘ఇన్సిడియస్’ ఫ్రాంచైజ్ ‘ది ఫర్దర్’ వంటి భయానక రూపంతో తిరిగి వస్తోంది. అమేలియా ఈవ్ జెమ్మా పాత్రలో నటించింది. తాను పెరిగిన ఇంట్లోనే తన కూతురిని పెంచుతున్న ఒక యువ తల్లి అయిన జెమ్మా, ఇన్సిడియస్ విశ్వానికి కేంద్రమైన, దారితప్పిన ఆత్మల నరకలోకమైన ‘ది ఫర్దర్’లోకి తాను ప్రయాణించగలనని కనుగొంటుంది. ఒక దుష్టశక్తి ఆమెను వెంబడించినప్పుడు, జెమ్మా ప్రతిదీ మార్చేసే ఒక సామర్థ్యాన్ని కనుగొంటుంది. ఆమె కేవలం ‘ది ఫర్దర్’లోకి ప్రవేశించడమే కాదు, అక్కడ నివసించే జీవులను తిరిగి నిజ ప్రపంచానికి తీసుకురాగలదు. ఆమె శక్తిని ఆ రాక్షసులు గ్రహించిన తర్వాత, మన ప్రపంచం వారి ఆటస్థలంగా మారుతుంది. లిన్ షాయే తన ఐకానిక్ పాత్ర ఎలీస్ రైనియర్‌గా తిరిగి నటిస్తుండగా, జాకబ్ చేజ్ (కమ్ ప్లే) దర్శకత్వంలోరూపొందిన ఈ సినిమా ఈనెల 21న ఇంగ్లీష్‌, హిందీ, తమిళం, తెలుగు భాషలలో పాన్ ఇండియాలో విడుదల కానుంది.