కొందరికి డైలీ లైఫ్‌లో జిమ్‌ ఒక భాగంగా మారింది. అయితే జిమ్‌కు వెళ్లే వాళ్లు సమ్మర్‌లో కొన్ని జాగ్రత్తలు తప్పకుండా పాటించాలి. కొందరు యువతీ యువకులు బనానా తిని జిమ్‌ కు వెళ్తారు. ఇది ఎంతో ప్రమాదకరం. ఇలా అస్సలు చేయకూడదు. పరగడుపున నీళ్లు మాత్రమే తాగి జిమ్‌ కు వెళ్లాలి. జిమ్‌ లో కోచ్‌ గైడెన్స్‌లో మాత్రమే వర్కౌట్‌ చేయాలి.
కొందరు అతిగా వర్కవుట్‌ లు చేస్తుంటారు. ఇలా చేయడం వల్ల కూడా అనేక ఆరోగ్య సమస్యలు వస్తాయి. శరీరానికి అవసరమైన పోషకాలు, విటమిన్లు ఉండే ఫుడ్‌ను తీసుకోవాలి. జిమ్‌ తర్వాత గుడ్లు, బనానాలు తినవచ్చు. కానీ కొందరు ఓవర్‌ నైట్‌ లో మంచి స్ట్రక్చర్‌ రావాలనుకుంటారు. దీనికోసం మాత్రలను వాడుతారు. ఇలాంటివి వాడటం వల్ల లేని ప్రమాదం కొని తెచ్చుకోవటమే. జిమ్‌ లలో కోచ్‌ చెప్పిన విధంగానే ఫుడ్‌ హ్యబిట్లు అలవాటు చేసుకోవాలి. స్టెప్‌బైస్టెప్‌ బరువులను పెంచుకుంటూ వర్కౌట్‌లు చేయాలి. కానీ కొందరు మాత్రం.. ప్రారంభించిన రోజునే భారీగా బరువులు ఎత్తుతుంటారు. దీనివల్ల కండరాలు పట్టేస్తాయి.
జిమ్‌ చేసేటప్పుడు లేదా జాగింగ్‌ చేసేటప్పుడు మధ్యలో గ్యాప్‌ ఇవ్వాలి. గొంతు తడారి పోకుండా కొన్ని నీళ్లను తాగుతుండాలి. ఎక్కువగా బరువులు ఎత్తకుండా చూసుకోవాలి. కొందరికి బీపీ, డయాబెటిక్‌ సమస్యలు ఎక్కువగా ఉంటాయి. అలాంటి వారు ఎక్కువగా వైద్యుల సూచనల మేరకు మాత్రమే జిమ్‌లో వర్కౌట్‌ లు చేయాలి.
ముఖ్యంగా జిమ్‌ లు, జాగింగ్‌ లు చేసే వారు.. పెసరలు, శనగలు, గుడ్లు, అరటి పండ్లు, పాలు, నాన్‌ వెజ్‌ లు ఎక్కువగా తీసుకొవాలి. రాత్రిపూట బాగా తినాలి. అదే విధంగా గంటలు గంటలు జిమ్‌ చేయకూడదు.
