నవతెలంగాణ – హైదరాబాద్: భర్తకు ఇద్దరు భార్యలు కలిసి మూడో పెండ్లి చేశారు. వారే పెళ్లి పెద్దలుగా వ్యవహరించి అక్షింతలు వేశారు. పెదబయలు మండలంలో చోటుచేసుకున్న ఈ ఘటన ఆలస్యంగా వెలుగులోకి వచ్చింది. మండలంలోని కించూరు గ్రామానికి చెందిన సాగేని పండన్నకు 2000లో పార్వతమ్మతో వివాహం జరిగింది. ఆమెకు సంతానం కలగలేదు. 2005లో అప్పలమ్మను వివాహం చేసుకున్నాడు. 2007లో ఈమెతో ఒక అబ్బాయి పుట్టాడు. తర్వాత పిల్లలు లేరు. ఈ క్రమంలో ఇద్దరు భార్యల అనుమతిలో మరో పెండ్లికి సిద్ధమయ్యాడు. గత నెల 25న జరిగిన మూడో పెండ్లికి భార్యలే పెద్దలుగా వ్యవహరించి, పెండ్లి కార్డులు కొట్టించి, బ్యానర్లు వేయించారు. సంతానం కోసం తన భార్యలు త్యాగం చేశారంటూ పండన్న చెబుతున్నాడు.
