‘వసుదేవసుతం దేవం..’

మాస్టర్‌ మహేంద్రన్‌ హీరోగా రూపొందుతున్న చిత్రం ‘వసుదేవసుతం’. బేబీ చైత్ర శ్రీ బాదర్ల, మాస్టర్‌ యువ్వాంశ్‌ కృష్ణ బాదర్ల సమర్పణలో ధనలక్ష్మి బాదర్ల నిర్మాతగా వైకుంఠ్‌ బోను తెరకెక్కిస్తున్నారు.
రెయిన్‌బో సినిమాస్‌ బ్యానర్‌పై నిర్మిస్తున్న ఈ మూవీకి సంబంధించిన పోస్టర్లు, మోషన్‌ పోస్టర్‌, గ్లింప్స్‌, టీజర్‌ అందరినీ ఆకట్టుకున్న సంగతి తెలిసిందే. ఇక తాజాగా ఈ చిత్రం నుంచి టైటిల్‌ సాంగ్‌ను హీరో ఆకాష్‌ జగన్నాథ్‌ రిలీజ్‌ చేశారు. ‘వసుదేవసుతం దేవం’ అంటూ సాగే ఈ పాటను ఆకాష్‌ జగన్నాథ్‌ విడుదల చేశారు. చైతన్య ప్రసాద్‌ అందించిన సాహిత్యం, పవన్‌-శతిక సముద్రాల గాత్రం అందరినీ ఆకట్టుకునేలా ఉంది. సంగీత దర్శకుడు మణిశర్మ మరో చార్ట్‌బస్టర్‌ సాంగ్‌ ఇచ్చారు. ఈ లిరికల్‌ వీడియోలో హీరో, హీరోయిన్‌ జంట చూడముచ్చటగా ఉంది. ఊరి వాతావరణం, గుడిలో చిత్రీకరించిన ఈ పాట అందరినీ కట్టి పడేసేలా ఉంది. ఇక తెర అంతా కూడా కలర్‌ఫుల్‌గా కనిపిస్తోంది. కొరియోగ్రఫీ కూడా ఎంతో చక్కగా కుదిరింది అని చిత్ర యూనిట్‌ తెలిపింది.

ఈ సందర్భంగా ఆకాష్‌ జగన్నాథ్‌ మాట్లాడుతూ, ”వసుదేవసుతం దేవం’ అనే పాట చాలా బాగుంది. టీం అంతా వచ్చి నన్ను కలిసింది. ఈ పాటను నేను రిలీజ్‌ చేయడం ఆనందంగా ఉంది. చైతన్య ప్రసాద్‌ సాహిత్యం, మణిశర్మ సంగీతం బాగుంది. మహేంద్రన్‌ అద్భుతమైన నటుడు. ఈ చిత్రం ఘన విజయం సాధించాలని కోరుకుంటు న్నాను’ అని అన్నారు. రిలీజ్‌ డేట్‌కు సంబంధించిన వివరాల్ని త్వరలోనే చిత్రయూనిట్‌ ప్రకటించనుంది. అంబికావాణి, జాన్‌ విజయ్, మిమ్‌గోపి, సురేష్‌చంద్ర మీనన్‌, ఈశ్వర్య లక్ష్మి, తులసి, రాజీవ్‌ కనకాల, టార్జన్‌, రామరాజు, బధ్రమ్‌, జబర్ధస్త్‌ రాంప్రసాద్‌, శివన్నారాయణ, దువ్వాసి మోహన్‌, సుమేత బజాజ్‌ తదితరులు నటిస్తున్న ఈ చిత్రానికి రచయిత – దర్శకుడు : వైకుంఠ్‌ బోను, నిర్మాత : ధనలక్ష్మి బాదర్ల, సంగీతం : మణిశర్మ డీఓపీ: జిజ్జు సన్నీ (పార్కింగ్‌ ఫేమ్‌), లిరిసిస్ట్‌ : చైతన్య ప్రసాద్‌, శ్రీ హర్ష ఈమని, ఫైట్స్‌ : రామకృష్ణ, కొరియోగ్రఫీ: అజయ్ సాయి.