ఓటర్ల జాబితా ఎస్‌ఐఆర్‌ గడువు పొడిగింపు

నవతెలంగాణ – హైదరాబాద్ :   తొమ్మిది రాష్ట్రాలు, మూడు కేంద్రపాలిత ప్రాంతాలలో కొనసాగుతున్న ఓటర్ల జాబితా ప్రత్యేక సమగ్ర సవరణ (సర్‌) మొత్తం షెడ్యూల్‌ను వారం రోజులు పొడిగిస్తున్నట్లు భారత ఎన్నికల సంఘం ఆదివారం ప్రకటించింది. గణనఫారమ్‌ పంపిణీ డిసెంబర్‌ 4కి బదులుగా డిసెంబర్‌ 11 వరకు కొనసాగుతుందని ఇసిఐ ఒక ప్రకటనలో తెలిపింది. డిసెంబర్‌ 9న ప్రచురించాల్సిన ముసాయిదా ఓటర్ల జాబితా డిసెంబర్‌ 16న ప్రచురించబడుతుందని పేర్కొంది. వచ్చే ఏడాది ఫిబ్రవరి 7న విడుదల కావాల్సిన తుది ఓటర్ల జాబితాను ఫిబ్రవరి 14 ప్రచురించనున్నట్లు వెల్లడించింది. తొమ్మిది రాష్ట్రాలు, మూడు కేంద్రపాలిత ప్రాంతాల్లో ఎస్‌ఐఆర్‌ చేపట్టనున్నట్లు ఇసిఐ అక్టోబర్‌ 27న ప్రకటించిన సంగతి తెలిసిందే.